گوجرخان باغی ٹی وی( نامہ نگار شیخ ساجد قیوم ) آج صبح گوجرخان کی نواحی آبادی ڈھوک گاڑ میں گیس لیکج دھماکہ کے دوران زخمی ہونے والی 27 سالہ خاتون دم توڑ گئی، زخمی ہونے والی خاتون اور 2سالہ کمسن بچے کو تشویشناک حالت میں راولپنڈی منتقل کیا گیا تھا جہاں زخموں کی تاب نہ لاتے ہوئے خاتون خالق حقیقی سے جا ملی ،گیس دھماکہ کے باعث گھر کا بڑا حصہ تباہ ہو گیا ،حادثہ کی اطلاع ملنے پر 1122ریسکیو ٹیم موقع پر پہنچ گئی اور امدادی کارروائی میں حصہ لیا،یہ ہولناک حادثہ سوئی گیس کے عملے کی غفلت ولاپرواہی کے باعث رونما ھوا،جس سے ایک قیمتی انسانی جان ضائع ہوگئی جبکہ بچی کی حالت تشویش ناک بتائی جارہی ہے ،عوامی وسماجی حلقوں اعلیٰ حکام سے حادثہ کاباعث بننے والے غفلت ولاپرواہی کے مرتکب سوئی گیس ملازمین کے خلاف کارروائی کامطالبہ کیا ہے.
Shares:
