مودی سرکار نے بچوں کے ساتھ بھی غیرانسانی سلوک اختیار کیا،ڈاکٹر فردوس عاشق اعوان

وزیراعظم کی مشیر برائے اطلاعات ڈاکٹر فردوس عاشق اعوان نے کہا ہے کہ مودی سرکار نے بچوں کے ساتھ بھی غیرانسانی سلوک اختیار کیا،عالمی برادری بچوں کے حقوق کے لیے مودی کےخلاف آوازاٹھائے.

باغی ٹی وی کی رپورٹ کے مطابق ڈاکٹر فردوس عاشق اعوان نے ایک تقریب سے خطاب کرتے ہوئے کہا کہ میرے سامنے طلبا کی شکل میں مستقبل کی قیادت موجود ہے،نوجوان مستقبل کا سرمایہ ہیں ،وزیراعظم عمران خان قائداعظم کےسپاہی ہیں،پاکستان کی تمام اقلیتیں ملک کا فخر ہیں،ملک کو آلودگی سے بچانے کےلیے درخت سے بہتر کوئی شے نہیں ،ملک کو ماحولیاتی آلودگی سے بچانے کےلیے درخت لگانے کی ضرورت ہے

فردوس عاشق اعوان کا مزید کہنا تھا کہ مودی کشمیریوں کی نسل کشی کرنے میں مصروف ہے ،پاکستان میں تمام اقلیتیں یکجا ہوکرمودی کو پیغام دے رہی ہیں ، مقبوضہ کشمیر میں بچے تعلیم حاصل کرنے اپنے اسکولوں میں نہیں جاسکتے،مقبوضہ کشمیر میں بچوں سے بھی بنیادی سہولیات چھین لی گئی ہیں،مودی سرکار نے بچوں کے ساتھ بھی غیرانسانی سلوک اختیار کیا،عالمی برادری بچوں کے حقوق کےلیےمودی کےخلاف آوازاٹھائیں ،مودی نے خطے میں نفرت کا بیج بو دیا ہے ،وزیراعظم مقبوضہ وادی میں مظالم کےخلاف آواز بلندکرتے رہیں گے،

ڈاکٹر فردوس عاشق اعوان نے مزید کہا کہ وزیراعظم نے جمعہ کوکشمیریوں سے اظہاریکجہتی کادن منانے کااعلان کیا ہے ،مودی انتہا پسندبن کر کشمیریوں کی نسل کشی میں مصروف ہے