قصور
ماڈل بازار ،منگل،جمعہ اور اتوار شہریوں کے لئے وبال جان، ٹریفک جام گزرنا محال،شہری پریشان
تفصیلات کے مطابق قصور پرانا لاڑی اڈا میں واقع ماڈل بازار جہاں شہریوں کے لئے بچت کی ایک صورت ہے وہاں شہریوں کے لئے وبال جان بھی بن چکا ہے
انتظامیہ کی نااہلی کے باعث ماڈل بازار کے باہر سڑک پہ تجاوزات سے ٹریفک گھنٹوں جام رہتی ہے جس کے باعث شہریوں کو شدید مشکلات کا سامنا کرنا پڑتا ہے بروز
منگل،جمعہ اور اتوار ماڈل بازار میں لگی دکانوں کے باعث شہری سستے بازار کا رخ کرتے ہیں اور بہت سے دکاندار اپنی دکانیں ماڈل بازار میں لگاتے ہیں مگر انتظامیہ کی نااہلی سے ریڑھی والے سڑک پہ ریڑھیاں لگا لیتے ہیں اور رکشہ والے سڑک کے وسط میں رکشے کھڑے کرتے ہیں جس کے باعث ٹریفک جام ہو جاتی ہے اور گزرنے والوں کو مشکل اٹھانی پڑتی ہے
شہریوں نے ڈپٹی کمشنر قصور سے ازخود نوٹس لینے کی اپیل کی ہے
