ٹھٹھہ ،باغی ٹی وی (نامہ نگار راجہ قریشی)ٹھٹھہ : طالبات کو ووٹ کی اہمیت بارے آگاہی لیکچر ،ووٹ آپ کی آواز اور طاقت ہے-عذرا مہیسر
تفصیل کے مطابق ڈسٹرکٹ الیکشن کمشنر ٹھٹھہ عذرا مہیسر کیجانب سے طلباء کو ووٹ کی اہمیت بارے آگاہی فراہم کرنے کا سلسلہ جاری ہے گورنمنٹ گرلز ہائی سکول کیمپس ٹھٹھہ کی طالبات کے لئے ووٹ کی اہمیت کے حوالے سے آگاہی سیمینار منعقد کیا گیا جس میں طالبات و دیگر شرکاء کو ووٹ کی رجسٹریشن الیکشن پروسیس کی معلومات فراہم کی گئی ڈسٹرکٹ الیکشن کمشنر ٹھٹھہ عذرا مہیسر کی صدارت میں منعقد کئے گئے سیمینار میں ان کے اسٹاف کے علاوہ متعلقہ سکول کے ہیڈ مسٹرس تہمینہ شاہ، اساتذہ اور طالبات کے علاوہ دیگر اسٹاف نے شرکت کی سیمینار کے شرکاء سے خطاب کرتے ہوئے عذرا مہیسر نے کہا کہ الیکشن کمیشن آف پاکستان کی آئینی زمہ داری ہے کہ قومی، صوبائی اسمبلیوں اور بلدیاتی انتخابات کے لیے ملک بھر میں آزادانہ اور منصفانہ طور پر شفاف انتخابات کا انعقاد کرنا ہے اُنہوں نے شرکاء کو ووٹ کی اہمیت کے بارے میں بتایا اور بطور ووٹر رجسٹریشن کے عمل کے بارے میں مکمل آگاہی دی اور مزید کہا کہ آنے والے جنرل اور لوکل گورنمنٹ الیکشن میں بڑھ چڑھ کر حصہ لیں اور ووٹ کاسٹنگ کرنے کو اپنا قومی فریضہ سمجھیں آخر میں ضلعی الیکشن کمشنر ٹھٹھہ نے تمام شرکاء کا شکریہ ادا کیا اور ان کے مستقبل کے لیے نیک تمناؤں کا اظہار کیا سیمینار میں سکول کے ہیڈ مسٹریس میڈم تہمینہ شاہ، ریاض احمد میمن فوکل پرسن ایجوکیشن ڈپارٹمنٹ ٹھٹھہ اور سکول کے دیگر اساتذہ اور طلباء بھی موجود تھے۔
ٹھٹھہ : طالبات کو ووٹ کی اہمیت بارے آگاہی لیکچر ، ووٹ آپ کی طاقت اور آواز ہے-عذرا مہیسر
