اسلام آباد:امریکہ کے بعد برطانیہ نےبھی اپنے شہریوں کووارننگ جاری کردی

اسلام آباد:کچھ دیر پہلے امریکہ نے اسلام آباد میں اپنےشہریوں‌کو خبردارکیا تھا کہ باہر نکلتے وقت احتیاط سے کام لیں ، اب برطانیہ کی حکومت نے ایک سیکیورٹی الرٹ بھی جاری کیا ہے جس میں اپنے عملے کو اسلام آباد میں میریٹ ہوٹل جانے سے منع کیا گیا ہے، ایک اضافی ایڈوائزری بھی جاری کی گئی ہے جس میں اس کے عملے کو روکا گیا ہے اور شہریوں کوخبیرپختونخواہ اور بلوچستان کے کچھ حصوں کا دورہ کرنے سے منع کیا گیا ہے۔

یاد رہے کہ اس سے پہلےامریکی سفارتخانے نےاپنے عملے کوخطرے سےآگاہ کردیا ،اطلاعات کے مطابق اسلام آباد میں‌ امریکی سفارتخانے کی طرف سے اپنے ملازمین کو وارننگ جاری کردی ہے،اطلاعات ہیں کہ ممکنہ حملے کے پیش نظر امریکی کے عملے کو اسلام آباد کے میریٹ ہوٹل میں جانے سے منع کر دیا گیا۔

سفارتخانے کی طرف سے یہ وارننگ دی گئی ہے کہ امریکی حکومت کو اس قسم کی اطلاعات ہیں‌ کہ نامعلوم افراد ممکنہ طور پر تعطیلات کے دوران اسلام آباد کے میریٹ ہوٹل میں امریکیوں پر حملہ کرنے کی سازش کر رہے ہیں۔ فوری طور پر حفاظتی اقدامات کی ہدایت بھی کی ہے

انہیں حالات کے پیش نظر امریکی حکومت کی طرف سے اسلام آباد میں سفارت خانہ تمام امریکی عملے کو اسلام آباد کے میریٹ ہوٹل میں جانے سے منع کر رہا ہے۔ مزید برآں، جیسا کہ اسلام آباد کو تمام عوامی اجتماعات پر پابندی عائد کرتے ہوئے سیکیورٹی خدشات کا حوالہ دیتے ہوئے ریڈ الرٹ پر رکھا گیا ہے،

یہ بھی معلوم ہواہے کہ ان حالات کے پیش نظر سفارت خانہ تمام مشن کے اہلکاروں پر زور دے رہا ہے کہ وہ تعطیلات کے پورے موسم میں اسلام آباد میں غیر ضروری، غیر سرکاری سفر سے گریز کریں۔