پنجاب اور سندھ میں شدید دھند، حد نگاہ متاثر، کئی مقامات سے موٹرویز بند

ڈیرہ غازیخان ،باغی ٹی وی (جواداکبر)پنجاب اور سندھ کے میدانی علاقوں میں شدید دھند کے باعث حد نگاہ متاثرہونے پر مختلف مقامات سے موٹرویز بند کردی گئیں۔موٹرویز پولیس کے مطابق لاہور ،اسلام آباد موٹروے ایم-2، ٹھوکر نیاز بیگ سےکوٹ مومن تک جبکہ ایم 3 موٹروے رجانہ سے فیض پور تک ٹریفک کیلئے بند کر دی گئی ہیں۔فیصل آباد،ملتان موٹروے ایم-4 ملتان سےپنڈی بھٹیاں جبکہ سیالکوٹ، لاہور موٹروےایم 11 کالا شاہ کاکو سے سمبڑیال تک بند کردی گئی قومی شاہراہوں پر بھی دھند کے باعث ٹریفک کی روانی متاثر، موٹروے پولیس نے شہریوں سے اپیل کی ہے کہ غیر ضروری سفر سے گریز کریں اور ناگزیر صورتِ حال میں سفر سے پہلے راستہ ایپ سے معلومات حاصل کریں۔