ننکانہ : موٹر وے ایم 3 پر تیز رفتار ہائی ایس وین بے قابو ہو کر الٹ گئی،2 جاں بحق،13 زخمی

ننکانہ صاحب باغی ٹی وی (نامہ نگار احسان اللہ ایاز)ننکانہ صاحب موٹروے ایم 3 کھیاڑے کلاں انٹرچینج سے جڑانوالہ کی طرح سات کلومیٹر کے فاصلے پر تیز رفتار ہائی ایس وین بے قابو ہو کر اُلٹ گئی اور موٹروے سے نیچے جا گری
حادثہ کی اطلاع پا کر ریسکیو 1122 کا عملہ 6 ایمرجنسی وہیکلز کے ساتھ وہاں پہنچا
حادثہ کے نتیجہ میں 2 افراد زخموں کی تاب نہ لاتے ہوئے زندگی کی بازی ہار گئے جبکہ 13 افراد شدید زخمی ہوئے ریسکیو 1122 عملہ امدادی کاروائیوں میں مصروف ،حادثہ میں جاں بحق ہونے والوں کی شناخت 45 سالہ ثمینہ خالد اور 48 سالہ رانی قمر کے نام سے ہوئی جبکہ زخمیوں میں 45 سالہ عاصمہ، 40 سالہ اکرم،25 سالہ امان اللہ، 10 سالہ ہادیہ، 9 سالہ زین،20 سالہ رابعہ،45 سالہ غلام شبیر،24 سالہ احمد رضا،42 سالہ نور احمد،16 سالہ انس رضا،35 سالہ طاہر عباس،30 سالہ محمد یوسف،25 سالہ محمد شہزاد اور 35 سالہ رانی بی بی شامل ہیں