ننکانہ : انصاف کی فراہمی اور سماجی خدمت میری اولین ترجیح ہو گی- شازیہ شاہد

ننکانہ صاحب باغی ٹی وی ( نامہ نگار احسان اللہ ایاز)انصاف کی فراہمی اور سماجی خدمت میری اولین ترجیح ہو گی- شازیہ شاہد
تفصیل کے مطابق انسپکٹر جنرل آف پولیس پنجاب عامر ذوالفقار خان کے ویژن کے مطابق ڈی پی او ننکانہ سردار موارہن خان نے لیڈی پولیس آفیسر کو ایس ایچ او تعینات کر نے کے احکامات جاری کر دیئے سب انسپکٹر شازیہ شاہد ایس ایچ او تھانہ سٹی سانگلہ ہل تعینات۔ سب انسپکٹر شازیہ شاہد اس سے قبل پی ایس او ٹو ڈی پی او، ڈسٹرکٹ انچارج انویسٹی گیشن سیل، انچارج اینٹی ویمن ہراسمنٹ اینڈ وائلنس سیل تعینات، انچارج کمپلینٹ سیل، انچارج خدمت مرکز و دیگر برانچز اور تھانہ جات میں تعینات رہ چکی ہیں۔ خاتون پولیس آفیسر حال ہی میں اقوام متحدہ میں ڈارفرمشن میں اپنے فرائض سر انجام دے چکی ہیں۔ سب انسپکٹر شازیہ شاہد کا کہنا ہے کہ آئی جی صاحب کے ویژن کے مطابق خواتین کے حقوق اور جرائم کے خاتمہ کے لیے ہر ممکنہ اقدام یقینی بناوں گی۔ انصاف کی فراہمی اور سماجی خدمت میری اولین ترجیح ہو گی۔ ان کا مزید کہنا تھا کہ ضلع ننکانہ میں بطور پہلی خاتوں ایس ایچ او تعینات ہونا میرے لیے اعزاز کی بات ہے۔ تھانہ کلچر میں مثبت تبدیلی اور محکمہ کی مثالی کارکردگی کے لیے تمام صلاحتیں بروئے کار لاوں گی۔ ڈی پی او ننکانہ سردار موارہن خان کا کہنا ہے کہ خواتین تمام شعبہ ہائے میں اپنی گراں قدر صلاحتیں سر انجام دیکر ملک پاکستان کا نام روشن کر رہی ہیں۔ اس اقدام سے خواتین کو مردوں کے شانہ بشانہ صلاحیت دکھانے کا موقع ملے گا کی۔ ان کا مزید کہنا تھا کہ خاتون ایس ایچ او کی تعیناتی سے پبلک سروس ڈلیوری میں مزید بہتری آئے گی