ٹھٹھہ،باغی ٹی وی (نامہ نگار راجہ قریشی)حالیہ بارشوں کے باعث موہنجو دڑو، رانی کوٹ سے لیکر مکلی قبرستان تک تاریخی اثاروں اور قبرستانوں کو شدید نقصان پہنچا ہے- صوبائی وزیر سردار شاہ
تفصیل کے مطابق سندھ کے نامور تاریخ داں اور کئی کتابوں کے مصنف میر علی شیر قانع کے زبوں حال مقبرے کے نو تعمیر شدہ مقبرے کا افتتاح، صوبائی وزیر سیاحت اور ثقافت سردار شاہ نے کیا اس موقع پر میڈیا سے بات کرتے ہوئے کہا کہ پورے سندھ میں تاریخی اثاروں پر انرولمنٹ فنڈ کے تعاون سے کام کروا رہے ہیں اور فرانس میں عالمی سطح پر ہونے والی عالمی موہنجو دڑو کانفرنس میں دنیا بھر سے دو سو چھ ملکوں کے نمائیندے شریک ہورہے ہیں جس سے سندھ کے عالمی ورثہ موہنجودڑو کو مزید اہمیت حاصل ہوگی،
انہوں نے کہا کہ۔میرعلی شیر قانع تحفتہ الکرام سمیت 42 کتابوں کے مصنف اور سندھ کے عظیم اسکالر تھے جنہوں نے سندھ کی تاریخ روشناس کروائی انہوں نے کہا کہ غلام شاہ کلہوڑو اور شاہ عبدالظیف بھٹائی کے دور میں میر علی شیر قانع نے بہت کام کیا انہوں نے کہا کہ سندھ کے قدیمی اثاروں پر اور قومی ورثوں پر قبضے ہیں مگر قبضہ گروپ نے عدالتوں سے اسٹے آرڈر لے لئے ہیں جس کے لئے سندھ کے باشعور لوگوں کوآگے آنا ہوگا
