سعودی عرب کا پہلی خاتون خلاباز کو خلائی مشن پر بھیجنےکا اعلان
![](https://baaghitv.com/wp-content/uploads/2023/02/WhatsApp-Image-2023-02-14-at-1.32.45-PM.jpeg)
سعودی عرب نے اپنی پہلی خاتون خلاباز کو خلائی مشن پر بھیجنےکا اعلان کر دیا۔
باغی ٹی وی: عرب میڈیا کے مطابق سعودی سپیس کمیشن نے کہا ہے کہ ’وہ سال رواں 2023 کی دوسری سہ ماہی کے دوران پہلی سعودی خلا نورد خاتون اور ایک مرد کو بین الاقوامی خلائی سٹیشن (آئی ایس ایس) بھیجے گا‘۔
سعودی عرب نے اتوار کو اعلان کیا کہ رواں سال وہ اپنی پہلی خاتون خلا باز ریانا برناوی (Rayyana Barnawi) کو سعودی ساتھی علی القرنی کے ساتھ انٹرنیشنل خلائی اسٹیشن کے 10 روزہ مشن پر بھیجے گا۔
رپورٹس کے مطابق دونوں خلاباز AX-2 خلائی مشن کے عملے میں شامل ہوں گے، عملہ فلوریڈاکےکینیڈی اسپیس سینٹرسےرواں برس کے آخر میں روانہ ہوگا،خلائی سفرکا آغاز امریکہ کے بین الاقوامی خلائی سٹیشن سے ہوگا۔
عرب میڈیا کا کہنا ہے کہ اس مشن کا مقصد انسانی خلائی پرواز میں سعودی عرب کی صلاحیتوں کو بڑھانا،انسانیت کی خدمت اور خلائی صنعت کی طرف سے پیش کردہ امید افزا مواقع سے فائدہ اٹھانے کے ساتھ صحت اور خلائی ٹیکنالوجی جیسے کئی پہلوؤں میں سائنسی تحقیق میں تعاون کرنا ہے –
https://twitter.com/saudispace/status/1624740450333777922?s=20&t=FuXnBMtoD61YRzVNCtzqmg
سعودی پریس ایجنسی کی رپورٹ کے مطابق، برناوی اور القرنی کے علاوہ، دو اور خلابازوں، مریم فردوس اور علی الغامدی کو بھی مستقبل کے خلائی مشن کے لیے سعودی ہیومن اسپیس فلائٹ پروگرام کے تحت تربیت دی جا رہی ہے۔
سعودی سپس کمیشن کے چیئرمین انجینیئرعبداللہ السواحہ نے کہا کہ اعلی قیادت خلا نوردوں کے پروگرام کی سرپرستی کررہی ہےاسی لیے خلائی سائنس کی سطح پر اچھوتے سائنسی کاموں کی طرف پیشقدمی ممکن ہوسکی ہے سعودی عرب خلا نوردوں کے پروگرام سے امیدیں وابستہ کیے ہوئے ہےاس کی بدولت خلااور اس کی دریافت کے حوالےسے بین الاقوامی مسابقت میں سعودی عرب کی حیثیت مضبوط ہوگی-
خلا نوردوں کا پروگرام سعودی وزارت دفاع، وزارت سپورٹس، محکمہ شہری ہوابازی، کنگ فیصل سپیشلسٹ اینڈ ریسرچ سینٹر اور ایکسیوم سپس مل کر کررہی ہیں-