چترال میںزخمی مونا تیتر کوکیلاش خاتون نے ریسکیو کرکے محکمہ وائلڈ لائف کے سپرد کردیا
چترال ) گل حماد فاروقی )وادی رومبور میں دو روز قبل کیلاش خاتون کی مونل تیتر کی جان بچا کر وائلڈ لائف کو حوالہ کرنے پر سوشل میڈیا اور مین سٹریم میڈیا پر وائرل ہونے کے بعد محکمہ وائلڈ لائف ڈیپارٹمنٹ کی جانب سے ڈی ایف او الطاف علی شاہ وادی کیلاش رومبور پہنچ گئے۔ ڈی ایف او کے مطابق سیکرٹری موسمیاتی تبدیلی، جنگلات و جنگلی حیات محکمہ، چیف کنزرویٹر ڈبلیو ایل اور کنزرویٹر نیشنل پارکس کی ہدایات کی تعمیل میں، ڈی ایف او وائلڈ لائف چترال گول نشنیل پارک نے خاتون کے گھر کا دورہ کیا ۔
جنہوں نے زخمی مونا تیتر کو باز سے بچا کر وائلڈ لائف ڈیپارٹمنٹ کے حوالہ کیا تھا۔ وائلڈ لائف ڈیپارٹمنٹ اور وی سی سی شیخاندے اور کلاش گرام کے صدر کی موجودگی میں خاتون کو سووینئر، تعریفی سرٹیفکیٹ اور نقد انعام سے نوازا گیا۔ ڈی ایف او نے وادی رومبور میں تحفظ کو مضبوط بنانے میں وی وی سیز کی کوششوں کو اور محکمہ وائلڈ لائف کے اہلکاروں کی کاوش کو سراہا۔
اس موقع پر ڈی ایف او نے کہا کہ وادی کیلاش کے باشندوں کی انسانوں کے ساتھ ہمدردی تو بے مثال تھی اب معلوم ہوا کہ یہاں کے باسی جنگلی حیات سے بھی بے پناہ ہمدردی کرتے ہیں۔ وادی رومبور میں مونل تیتر کی بازیابی کی وجہ سے وادی کے تمام باشندے تعارف کے مستحق ہیں امید ہے آئندہ بھی اسطرح محکمہ وائلڈ لائف اور مقامی لوگوں کی آپس میں باہمی تعلق بحال رہے گا۔ وادی رومبور آمد کا مقصد آپ سب کا شکریہ ادا کرنا ہے۔ اس موقع پر علاقے کے ویلچ کونسلر نور شالی، جاوید احمد ، سماجی شخصیت عنایت اللہ شیخ اور شیر تاج بھی ڈی ایف او کے ہمراہ تھے۔
Shares:
