وزیردفاع خواجہ آصف اورڈی جی آئی ایس آئی اہم دورے پرکابل پہنچ گئے

کابل:وزیردفاع خواجہ آصف اورڈی جی آئی ایس آئی اہم دورے پرکابل پہنچ گئے، یہ بھی اطلاعات ہیں کہ اس اہم دورے پرڈی جی آئی ایس آئی جنرل ندیم انجم بھی ان کے ہمراہ ہیں ، اس کے علاوہ وزارت خارجہ کے کچھ افسران بھی اس دورے پرکابل میں انکے ساتھ ہیں‌

کابل پہنچنے پران کا افغان حکومت کے اعلیٰ حکام نے استقبال کیا ہے

پاکستانی وزارت خارجہ کی طرف سے اس بات کی تصدیق کی گئی ہے کہ اس وقت وزیر دفاع خواجہ آصف افغانستان کے سرکاری دورے پر ہیں، وزیر دفاع کی کابل میں افغان قیادت سے ملاقاتیں ہوئی جس میں دوطرفہ معاملات پر تبادلہ خیال کیا گیا، ڈی جی آئی ایس آئی لیفٹیننٹ جنرل ندیم انجم بھی ہمراہ ان کے ہمراہ ہیں

ذرائع کے مطابق ان مذاکرات میں پاکستان میں ٹی ٹی پی کی اینٹی پاکستان سرگرمیوں پر بھی بات چیت ہوگی ، اطلاعات کے مطابق افغانستان کی سرحد کی طرف سے پاکستان کے سکیورٹی دستوں ، چیک پوسٹوں اوردیگراہم تنصیبات پردہشت گردوں کے حملوں پرپاکستان کے تحفظات سے آگاہ کیا جائے گا

کابل سے ملنے والی اطلاعات میں بتایا گیا ہے کہ یہ وفد اس وقت افغان طالبان سے باہمی معاملات کے ساتھ ساتھ دونوں ملکوں کے درمیان پیدا ہونے والی دوریوں کو بھی ختم کرنے میں اپنا کردار ادا کرے گا