سپریم کورٹ میں زیرالتوا مقدمات میں کمی

سپریم کورٹ میں زیرالتوا مقدمات میں کمی ہوگئی۔

باغی ٹی وی: عدالت عظمٰی کی جانب سے جاری کردہ اعلامیہ کے مطابق سپریم کورٹ میں زیرالتوا مقدمات کی تعداد کم ہوکر52ہزار450 ہوگئی، اس سے پہلے زیرالتوا مقدمات کی تعداد 54 ہزار 735 تھی۔

اعلامیے کے مطابق گزشتہ 12 ماہ کے دوران سپریم کورٹ میں22 ہزار 18 نئے مقدمات دائر کیے گئے، جن کے مقابلے میں 24 ہزار 303 سپریم کورٹ دائر ہوئے۔

اعلامیہ کے مطابق 2 فروری سے 25 فروری کے دوران 2285 مقدمات کم ہوئے فروری 2023 کے اختتام تک سالانہ بنیاد پر 2018 کے بعد اب تک کی سب سے بڑی تعداد ہے،اس سے قبل ایک برس کے دوران سپریم کورٹ میں 16961 مقدمات نمٹائے گئے تھے-

اعلامیے میں کہا گیا ہے کہ مقدمات کو جلد نمٹانے میں ججز کی محنت، کیس مینجمنٹ سسٹم اور بنچوں کی تشکیل شامل ہے۔