لاہور ہائیکورٹ بار ایسوسی ایشن الیکشن:ڈیڑھ سو سالہ تاریخ میں پہلی بار خاتون سیکریٹری منتخب

لاہور ہائیکورٹ بار ایسوسی ایشن کے الیکشن کے نتائج کا اعلان کر دیا گیا،الیکشنزمیں ڈیڑھ سو سالہ تاریخ میں پہلی بار خاتون سیکریٹری منتخب ہوگٸیں۔

باغی ٹی وی: تفصیلات کے مطابق لاہور ہائی کورٹ بار کے سالانہ انتخابات کا میدان حامد خان گروپ کے صدارتی امیدوار اشتیاق اے خان نے میدان مار لیا۔ صدراتی نشست پر انہوں نے 7293 ووٹ حاصل کیے جبکہ عاصمہ جہانگیر گروپ کے لہراسب گوندل نے 3372 ووٹ حاصل کیے۔

نائب صدر کی نشست پر ربیعہ باجوہ 3590 ووٹ لے کر فاتح قرار پائیں جبکہ سیکریٹری کی سیٹ پر صباحت رضوی نے 4310 ووٹ لے کر ہائی کورٹ کی تاریخ رقم کرتے ہوئے پہلی مرتبہ سیکریٹری منتخب ہوئیں۔

فنانس سیکرٹری کی نشست پر شاہ رخ شہباز وڑائچ 7109 ووٹ لے کر کامیاب رہے، فاتح امیدواروں کی جانب سے ہائی کورٹ کے احاطے میں جیت کا جشن منایا گیا۔ حامی ووٹرز کی جانب سے نعرے بازی اور گل پاشی کر کہ امیدواروں کو مبارک باد دی۔

لاہور ہائی کورٹ بار کے سالانہ انتخابات میں چار عہدوں پر چودہ امیدواروں کے درمیان مقابلہ ہوا۔ دس ہزار پانچ سو ووٹرز نے حق رائے دہی استعمال کیا۔