پاپوانیوگنی میں ساحل کے قریب 6.2 شدت کا زلزلہ آیا ہے۔
باغی ٹی وی: غیر ملکی میڈیا کے مطابق امریکی زلزلہ پیما مرکز کے مطابق زلزلہ پاپوانیوگنی کے دور دراز علاقے میں 38 کلو میٹر زیرِ زمین گہرائی میں آیا ہے زلزلے کی وجہ سے کسی جانی نقصان کی اطلاع موصول نہیں ہوئی ہے۔
امریکی زلزلہ پیما مرکز کا کہنا ہے کہ زلزلے کے بعد سونامی کی وارننگ جاری نہیں کی گئی ہے۔
واضح رہے کہ آج بلوچستان کے ضلع آواران میں آنے کم شدت کے زلزلے کے جھٹکے محسوس کیے گئے،زلزلہ پیما مرکز کے مطابق 4.6 شدت کے زلزلے کے جھٹکے محسوس کیے گئے ہیں۔ زلزلے کا مرکز آواران سے 60 کلومیٹر جنوب مغرب میں تھا۔
واضح رہے کہ گزشتہ سالوں میں آوارن میں متعدد بار زلزلے کے جھٹکے محسوس کیے گئے ضلع آواران اور اس سے متصل ضلع کیچ کے بعض علاقے 24 ستمبر 2013 کو زلزلے کے باعث بڑے پیمانے پر تباہی سے دوچار ہوئے تھے اس زلزلے میں سرکاری اعداد و شمار کے مطابق 400 افراد ہلاک جبکہ 599 زخمی ہوئے تھے۔
