چونیاں: ایک ماہ قبل لاپتہ ہونے والےمحنت کش کی لاش برآمد

چونیاں(نامہ نگار)ایک ماہ قبل لاپتہ ہونے والےمحنت کش کی لاش نواحی گاؤں نواحی کھوکھر اشرف کے روہی نالہ سے برآمد،پولیس نے جائے وقوعہ پر پہنچ کر لاش کو تحویل میں لے کر تحقیقات کا آغاز کر دیا
تفصیلات کے مطابق چونیاں کے نواحی کھوکھر اشرف روہی نالہ سے ایک ماہ قبل لاپتہ ہونے والے محنت کش کی لاش برآمدلاپتہ ہونے والے شخص کی شناخت 70 سالہ محمد رفیق کے نام سے ہوئی جو الحرام سٹی چونیاں کا رہائشی ہے تھانہ سٹی چونیاں پولیس نے موقع پر پہنچ کر بوسیدہ لاش کو تحویل میں لے کر ہسپتال منتقل کر دیا۔پولیس کا کہنا ہے کہ پوسٹ مارٹم رپورٹ میں واضح ہو گا کہ محمد رفیق قتل ہوا یا طبعی موت مرا،محمد رفیق کا 1 ماہ قبل لاپتہ ہونے کا مقدمہ 84/23 تھانہ سٹی چونیاں میں درج ہوا تھا،ورثاء کا کہنا ہے ہماری کسی سے دشمنی نہیں،پولیس حکام جلد تحقیقات مکمل کروائیں، اور حقائق سامنے لائیں۔