گرل فرینڈ کو موبائل و تحفے دینے کیلئے نوجوان نے شروع کیا گھناؤنا کام

باغی ٹی وی کی رپورٹ کے مطابق گرل فرینڈ کو موبائل تحفہ دینے کے لئے نوجوان نے ڈکیتی کی وارداتیں شروع کر دیں

واقعہ دہلی کا ہے ، پولیس نے ایک 18 سالہ نوجوان کو مشرقی دہلی سے گرفتار کیا ہے جو اپنی گرل فرینڈ کے لئے موبائل و دیگر تحائف خریدنے کے لئے ڈکیتی کی وارداتیں کر رہا تھا، ملزم کی شناخت کیف سکنہ سندر نگری دہلی کے طور پر ہوئی،پولیس نے ملزم کو اسوقت گرفتارکیا جب وہ دوست کے ساتھ مل کر ایک شخص سے موبائل فون چھین رہا تھا، ملزمان نے پیدل چلتے شخص سے فون چھینا اور فرار ہو گئے تا ہم پولیس نے تھوڑا آگے جا کر پکڑ لیا،

ڈپٹی کمشنر آف پولیس روہت مینا نے ملزمان کے بارے تفصیلات سے آگاہ کرتے ہوئے کہا کہ کہ جیسے ہی ملزم کو دیکھا تو اسے گرفتار کر لیا گیا،دوران تحقیقات کیف نے انکشاف کیا کہ اس کی گرل فرینڈ کو مہنگے تحائف کا شوق ہے جس کی وجہ سے وہ شاہدرہ اور شمال مشرقی دہلی کے علاقے میں پیدل چلنے والوں سے فون چھین کر کسی نا معلوم شخص کو اچھے نرخ پر فروخت کرتا تھا اس کے قبضے سے 2 موبائل فون اور ایک سکوٹر برآمد ہوا ہے