پاگل خان نے پاکستان کا خانہ خراب کردیا ہے،آصف زرداری

وہاڑی (باغی ٹی وی)جنوبی پنجاب ہماری اپنی دھرتی ہے، پیپلزپارٹی کو جب بھی موقع ملا جنوبی پنجاب کا خیال رکھا، ہمارامقصد پاکستان کو آگے لے کر جانا ہے۔
وہاڑی میں ورکرز کنونشن سے خطاب کرتے ہوئے پیپلزپارٹی کے شریک چیئرمین اور سابق صدر آصف زرداری کا کہنا تھا کہ عمران خان نے پاکستان کو دلدل میں پھنسا دیا ہے،ایک بے وقوف کو لوگوں نے وزیر اعظم بنا دیا تھا،پاگل خان نے پاکستان کا خانہ خراب کردیا ہے، وہ آج بھی سمجھ رہا ہے کہ ون ڈے کھیل رہا ہے۔سابق صدر نے کہا کہ ہرطرف باتیں ہورہی ہیں اور برپا ہے کہ ملک دیوالیہ ہوگیا ہے، ملک دیوالیہ ہونے سے فرق نہیں پڑتا، امریکا اور جاپان بھی تو دیوالیہ ہوگئے تھے، ہم پاکستان اورعوام کو آگے لے کر چلیں گے، موقع ملے گا تو بلاول اور آصفہ قوم کی خدمت کرتے رہیں گے، وہ وقت آئے گا فیصلے صرف ہم کریں گے۔