ایلون مسک اپنے ملازمین کو گھر کرائے پر دیں گے

آسٹن، ٹیکساس: اسپیس ایکس اور ٹیسلا کے مالک ایلون مسک ایک قصبہ تعمیر کرانے کے بعد وہاں گھروں کو اپنے ملازمین کو کرائے پر دیں گے۔

باغی ٹی وی: وال اسٹریٹ جرنل کے مطابق ایلون مسک امریکی ریاست ٹیکساس کے شہر آسٹن سے 35 میل دور ایک قصبہ تعمیر کرنے کی کوشش کر رہے ہیں اس قصبے میں ایلون مسک کی کمپنیوں ٹیسلا، بورنگ اور اسپیس ایکس کے ملازمین رہائش اختیار کر سکیں گے-

عمران خان کا سینئیر امریکی رکن سے ٹیلیفونک رابطہ

رئیل اسٹیٹ ایجنٹوں کے ساتھ ملاقاتوں میں، مسٹر مسک اور ان کی کمپنیوں کے ملازمین نے اپنے وژن کو دریائے کولوراڈو کے کنارے ٹیکساس کے یوٹوپیا کے طور پر بیان کیا ہے، جہاں ان کے ملازمین رہ سکتے ہیں اور کام کر سکتے ہیں-

رپورٹ کے مطابق ممکنہ طور پر قصبے کے لیے ایلون مسک کی جانب سے مخصوص قوانین کا اطلاق کیا جائے گا اور وہاں میئر کا انتخاب بھی کیے جانے کا امکان ہے اس قصبے کو Snailbrook کا نام دیئے جانے کا امکان ہے جبکہ اس میں ایک اسکول بھی تعمیر کیا جائے گا۔

بیوی کی وفات کے بعد کئی سال سے ننگے پاؤں رہنے والا شوہر

رپورٹ میں بتایا گیا کہ اس منصوبے کے تحت بورنگ اور اسپیس ایکس کے مراکز کے قریب 110 گھر تعمیر کیے جائیں گے 2 یا 3 کمروں کے گھر میں رہائش اختیار کرنے والے ملازمین سے ماہانہ 800 ڈالرز کرایہ لیا جائے گا جو اردگرد کے علاقوں سے کافی کم ہوگا۔

مگر اس طرح ایلون مسک ایک ہاتھ سے ملازمین کو تنخواہ دینے کے بعد اس کا کچھ حصہ گھر کے کرائے کی شکل میں واپس لے لیں گے اگر کسی ملازم کو کمپنی سے نکالا جائے گا تو اسے 30 دن کے اندر گھر کو چھوڑنا پڑے گا۔

بھارت میں یورینیم کی چوری اوراسمگلنگ کے بڑھتے واقعات دنیا کیلئے خطرہ ہیں، تجزیہ کار