سعودی عرب کا”ریاض ایئر” کے نام سے نئی قومی ایئرلائن کے قیام کا اعلان

ریاض: سعودی عرب نے اتوار کو ’ریاض ایئر‘ کے نام سے نئی قومی ایرلائن بنانے کا اعلان کیا ہے-

باغی ٹی وی:سعودی پریس ایجنسی (ایس پی اے) کے مطابق سعودی عرب کے ولی عہد اور وزیر اعظم شہزادہ محمد بن سلمان نے اتوار کو ’پبلک انویسٹمنٹ فنڈ‘ (پی آئی ایف) کی ملکیتی فضائی کمپنی ’ریاض ایئر‘ کے قیام کا اعلان کیا ہے-

یو اے ای نے الیکٹرک کمپنی ٹیسلا کی گاڑیوں کو بطور ٹیکسی متعارف کروادیا

ایئر لائن کی سینیئر مینجمنٹ میں سعودی اور بین الاقوامی ماہرین کی ٹیم شامل ہوگی اس نئی ایئر لائن کے سربراہ اتحاد ایئرویز کے سابق چیف ایگزیکٹو آفیسر اور ایوی ایشن کی دنیا کے تجربہ کار ٹونی ڈگلس ہوں گے جبکہ پی آئی ایف کے گورنر ياسر الرميان ریاض ایئر کے چیئرمین ہوں گے-

نئی قومی ائیر لائن ریاض ایئر 2030 تک دنیا بھر میں 100 سے زیادہ مقامات پر سروسز فراہم کرے گی تین براعظموں ایشیا، افریقہ اور یورپ کے درمیان پروازیں چلا کر سعودی عرب کے سٹریٹجک جغرافیائی محل وقوع کا فائدہ اٹھائے گی جس سے ریاض دنیا کے لیے ایک گیٹ وے اور نقل و حمل، تجارت اور سیاحت کے لیے ایک عالمی مقام بن جائے گا۔

ریاض سے آپریٹ کرنے والی یہ ایئر لائن عالمی سطح پر سفر اور ہوا بازی کی صنعت کے لیے ایک نئے دور کا آغاز کرے گی نئی ایئرلائن سعودی معیشت میں 20ارب ڈالر کا اضافہ کرے گی اور واسطہ یا بالواسطہ نوکریوں کے 2لاکھ مواقع پیدا کرے گی۔

سعودی تیل کمپنی آرامکو کو سال 2022 میں ریکارڈ منافع

یہ اعلان مسافروں کے لیے سفر کے حوالے سے فیصلہ سازی مشکل بنا دے گی جہاں ان کے پاس علاقائی کمپنیوں ایمریٹس، قطر ایئرویز اور ترک ایئر لائنز جیسے آپشنز بھی موجود ہیں جو اس مسابقت کا مقابلہ کرنے کے لیے اپنے مسافروں کو بہترین پیشکشیں فراہم کرتی رہتی ہیں۔

ریاض ایئر مکمل طور پر سعودی عرب کے خودمختار فنڈ پبلک انویسٹمنٹ فنڈ کی زیر ملکیت ہے، جس کے 600 ارب ڈالر سے زیادہ کے اثاثے ہیں۔

ایس پی اے کے مطابق ریاض ایئر ایک عالمی معیار کی ایئر لائن ہو گی جو جدید ترین جدید ٹیکنالوجی سے لیس طیاروں کے اپنے جدید بیڑے میں پائیداری اور حفاظتی معیارات کو اپنائے گی۔

بیان کےمطابق پی آئی ایف کےذیلی ادارے کےطورپرنئی قومی ایئرلائن پبلک انویسٹمنٹ فنڈ کی سرمایہ کاری میں مہارت اورمالی صلاحیتوں سے مستفید ہونے کے لیے تیار ہے جب کہ کمپنی کے آپریشنز کی توسیع سے یہ ایک اہم قومی ایئر لائن بن جائے گی۔

تہران کے ساتھ تمام اختلافات کا خاتمہ نہیں،شہزادہ فیصل

نئی قومی ایئر لائن حال ہی میں اعلان کردہ کنگ سلمان انٹرنیشنل ایئرپورٹ کے ماسٹر پلان کے ساتھ اس شعبے میں پی آئی ایف کی تازہ ترین سرمایہ کاری کی نمائندگی کرتی ہے۔

ریاض ایئر سعودی قومی نقل و حمل اور لاجسٹکس حکمت عملی اور قومی سیاحت کی حکمت عملی کے لیے بھی ہوائی نقل و حمل، کارگو کی صلاحیت اور اس کے نتیجے میں بین الاقوامی مسافروں کی آمدورفت میں اضافے کے لیے مفید ثابت ہو گی۔

ریاض ایئر کا قیام پی آئی ایف کی حکمت عملی کا حصہ ہے تاکہ امید افزا شعبوں کی صلاحیتوں سے فائدہ اٹھایا جا سکے جو مقامی معیشت کو آگے بڑھانے میں مددگار ثابت ہو سکتی ہے۔

یہ ولی عہد کے وژن 2030 کے مطابق ہوا بازی کی صنعت کی عالمی مسابقت کے قابل بنانے میں مدد دے گا،نئی فضائی کمپنی کے قیام کا اعلان نومبر 2022 میں الریاض میں شاہ سلمان بین الاقوامی ہوائی اڈے کے نام سے ایک نئے اور بڑے ایئر پورٹ کے ماسٹر پلان کی نقاب کشائی کے بعد کیا گیا ہے۔

عمران خان کا سینئیر امریکی رکن سے ٹیلیفونک رابطہ