اسلام آباد: ملک بھر میں 15 مارچ سے طوفانی بارشوں کی پیشگوئی کر دی گئی۔
باغی ٹی وی: پاکستان کے موسم سے متعلق ویب سائٹ نے پاکستان بھر میں شدید بارشوں کی پیشگوئی کرتے ہوئے کہا کہ 15 مارچ سے شروع ہونے والی بارشوں کا سلسلہ اپریل کے پہلے ہفتے تک جاری رہیں گے جبکہ اس دوران بیشتر علاقوں میں ژالہ باری کا بھی امکان ہے۔
کراچی:آگ لگنے سے 100 سے زائد جھگیاں جل گئیں،خاتون سمیت 2 بچے زخمی
طوفانی بارشوں اور ژالہ باری کے باعث گندم کی تیار فصلوں کے متاثر ہونے کا بھی خدشہ ہے۔
بلوچستان، پنجاب، سندھ، خیبر پختونخوا، کشمیر اور گلگت بلتستان کے بیشتر علاقوں میں گرج چمک کے ساتھ بارشوں، ژالہ باری اور برفباری کا بھی امکان ہے۔ جس کے باعث ایک بار پھر موسم سرد ہونے سے گرمی کا زور ٹوٹ جائے گا۔
تیز ہواؤں اور گرج چمک کے ساتھ بارشوں کا یہ سلسلہ وقفے وقفے سے تقریبا 15، 20 روز تک جاری رہے گا جبکہ سیاحوں سے شمالی علاقہ جات کے سفر سے گریز کرنے کی درخواست کی گئی ہے۔
دوسری جانب محکمہ موسمیات نے پیشگوئی کی ہے کہ آج ملک کے بیشترعلا قوں میں موسم خشک اورگرم رہے گا،اسلام آباد میں در جہ حرارت معمول سے زیادہ رہنے کا امکان ہے،سندھ ،پنجاب ،بلوچستان اور خیبرپختونخوا میں موسم خشک رہے گا،آزاد کشمیر اور گلگت بلتستان میں موسم خشک رہے گا-
سعودی عرب کے ساتھ تعلقات سے یمن میں جنگ کے خاتمےکی راہ ہموار …
ماہرین کے مطابق اسلام آباد کے سیکٹر ایچ ایٹ میں پولن سب سے زیادہ ریکارڈ کیا،اسلام آباد میں آج پولن کی مقدار 47 ہزار 809 ہوگئی،اسلام آباد کے سیکٹرای ایٹ میں پولن کی مقدار 15 ہزار 309 ریکارڈ کی گئی،اسلام آباد کے سیکٹرجی سکس میں پولن کی مقدار 13 ہزار 963 ریکارڈ کی گزشتہ روز پولن کی مقدار 48 ہزار سے زیادہ ریکارڈ کی گئی-
محکمہ موسمیات کے مطابق اسلام آباد میں پولن اپریل کے وسط تک رہنے کا امکان ہے ،پولن الرجی سے متاثرہ افراد ماسک کا استعمال یقینی بنائیں،پولن الرجی سے متاثرہ افرادغیر ضروری سفر سے پرہیز کریں،محکمہ موسمیات نے اسلام آباد میں پولن کی مقدار میں اضافے کے باعث شہریوں کو احتیاط برتنے کی ہدایت کی-
