گوجرہ : میاں شہبازشریف کی قیادت میں ملک کوجلد بحرانوں سے نکالیں گے – خالد جاوید وڑائچ

گو جرہ ، باغی ٹی وی ( نامہ نگارعبدالرحمن جٹ) پاکستان مسلم لیگ ن کے سدابہار رکن قومی اسمبلی چوہدری خالد جاوید وڑائچ اور چودھری عقیبہ علی وڑائچ نے کہاہے کہ وزیر اعظم پاکستان میاں شہبازشریف کی قیادت میں ملک کوجلد بحرانوں سے نکالیں گے۔مسلم لیگ ن نے ہمیشہ ملک اور قوم کی ترقی کیلئے فیصلے کئے ہیں جلدعوام کی خوشحالی کے دروزاے کھل جائیں گے۔ان خیالات کا اظہار انہوں نے محلہ سراج ٹاؤن سمیت دیگر ملحقہ آبادیوں کے دیرینہ مسئلہ ”ریلوے انڈر پاس“کی تعمیرکا افتتاح کرتے ہو ئے کیا۔انہوں نے کہاکہ ملک اور قوم آج جن بحرانوں کا شکار ہے وہ سابق حکومت کی ناقص پالیسیوں کا کیا دھراہے۔جن سے جلد چھٹکارا حاصل کر لیں گے انہوں نے کہاکہ وہ جھوٹے وعدوں اور منافقت کی سیاست نہیں کرتے بلکہ عوام کی خدمت ہی ان کی اولین ترجیح ہے۔جو وعدہ کر تا ہوں اللہ تعالی کے فضل اور عوام کی دعاؤں سے پورا کر تاہوں انہوں نے کہاکہ مذکورہ آبادی کے مکینوں کو اپنے گھروں کو جانے کیلئے ریلوے ٹریک سے گزرتے وقت مشکلات درپیش تھیں اور انڈر پاس نہ ہو نے کی وجہ سے کئی افرادحادثات کی وجہ سے اپنی جانوں سے ہاتھ دھو بیٹھے ہیں اور کئی افراد معذور ہو چکے ہیں اور عوام کا انڈر پاس کی تعمیر کادیرینہ مطالبہ تھا جو آج پورا کر دیاہے۔ چوہدری خالد جاوید وڑائچ نے کہاکہ ان کا ماضی گواہ ہے کہ اپنے علاقہ کے عوام کو کبھی مایوس نہیں کیا ہمیشہ ان کی خدمت کی ہے یہی وجہ ہے کہ عوام ان سے والہانہ محبت کر تے ہیں۔انہوں نے کہاکہ علاقہ بھر میں ترقیاتی منصوبے صرف اور صرف مسلم لیگ ن نے ہی مکمل کروائے ہیں۔اور انشاء اللہ تعمیروترقی کامشن جاری رہے گا۔