ٹبہ سلطان پورگردونواح میں بارش اور ژالہ باری سےفصلوں اورگاڑیوں کا نقصان

ٹبہ سلطان پور،باغی ٹی وی (نامہ نگار حافظ حبیب الرحمن شاہ ) شہر ٹبہ سلطان پور گردونواح میں بارش اور ژالہ باری نے گاڑیوں اور کسانوں کا کیا نقصان ، گندم کی تیار فصلیں بارش اور بے تحاشا ژالہ باری کے باعث تباہ ہونے کا اثر عوام کی جیب پر بھی پڑ سکتا ہے,اس حوالے سے کسانوں کا کہنا ’’بارش اور ژالہ باری کی وجہ سے فصلوں کو کافی نقصان پہنچا ہے اور آم کے مول (بور) کو بھی نقصان پہنچا ہے, کسانوں کی مشکلات کم ہونے کا نام نہیں لے رہی ہیں۔ ایک طرف جہاں انہیں منڈیوں میں اپنی فصل کے لئے مناسب دام نہیں مل رہے، وہیں دوسری طرف بے موسمی بارشوں اور بے تحاشا ژالہ باری سے فصلوں کا نقصان ہوا ہے ۔ ٹبہ سلطان پور اور گردونواح میں بارش اور ژالہ باری سے متعدد گاڑیوں کو نقصان کے ساتھ ساتھ خاص طور پر کسانوں کی کمر ٹوٹ گئی ہے۔ گندم اور سرسوں کی فصل تیار ہے۔ گندم اور سرسوں کی فصل کو کٹائی سے قبل گزشتہ روز دوپہر 3 بجے ہونے والی بارش اور ژالہ باری سے بھاری نقصان پہنچا ہے۔ جبکہ اس بارش سے سبزیوں کی پیداوار بھی متاثر ہوگی