بچوں کی مصنوعات بنانے والی معروف امریکی کمپنی جانسن اینڈ جانسن نے منگل کو کہا کہ وہ کم از کم 8.9 بلین ڈالر کی پیشکش کرے گاتاکہ لوگوں کی طرف سے دائر ہزاروں مقدموں کوحل کیا جا سکےجس میں الزام لگایا گیا ہےکہ کمپنی کے بے بی پاؤڈراوردیگرمصنوعات میں ٹیلک شامل ہیں کینسر کا باعث بنتے ہیں-
باغی ٹی وی :دنیا بھر میں بچوں کی مصنوعات خصوصاً بے بی پاؤڈر، لوشن اور شیمپو میں جانسن ایک بڑا اور معتبر نام سمجھا جاتا ہے لیکن کافی عرصے سے دنیا بھر میں جانسن پاؤڈر کے معیار پر کئی سوالات اٹھ رہے ہیں۔
گوگل کا بلوچستان کے نوجوانوں کیلئےایک ہزار اسکالر شپس دینے کا اعلان
جانسن اینڈ جانسن کو شہریوں کی جانب سے تقریباً 40 ہزار مقدمات کا سامنا ہے جن میں دعویٰ کیا گیا کہ جانسن بے بی پاؤڈر میں استعمال ہونے والا ٹالک پاؤڈر کینسر کا باعث بنتا ہے گزشتہ سال برطانیہ میں ہزاروں خواتین کی جانب سے قانونی شکایتوں کے بعد جانسن اینڈ جانسن کی جانب سے جانسن بے بی پاؤڈر کی برطانوی مارکیٹوں میں فروخت ختم کرنے کا اعلان کیا گیا تھا۔
خواتین کی جانب سے خدشہ ظاہر کیا جا رہا تھا کہ یہ پاؤڈر کینسر کا سبب بن سکتا ہے خواتین نے خدشات کا اظہار کیا تھا کہ بے بی پاؤڈر بنانے کیلئے ٹالک (Talc) کا استعمال کیا جاتا ہے جس میں ایبیسٹوس پایا جاتا ہے جو کہ ہیضہ دانی کے کینسر یا میسوتھیلیوما (Ovarian Cancer) کا سبب بنتا ہے۔
جانسن اینڈ جانسن نے الزامات کو رد کرتے ہوئے مؤقف اختیار کیا تھا کہ سالوں کی تحقیق کے بعد یہ ثابت شدہ ہے کہ یہ پراڈکٹ استعمال کیلئے بلکل محفوظ ہے مس انفارمیشن کی وجہ سے پراڈکٹ کی فروخت میں کمی کے باعث کمپنی کی جانب سے امریکا میں بھی بے بی پاؤڈر مارکیٹوں سے ہٹانے کا فیصلہ کیا گیا تھا۔
مشہورزمانہ دواسازکمپنی جانسن اینڈ جانسن پر13 کھرب روپے کا جرمانہ
تاہم الزامات کی ایک بار پھر تردید کرتے ہوئے اب جانسن اینڈ جانسن کینسر کا دعویٰ کرنے والوں کو مقدمات ختم کرنے کے عوض تقریباً 9 ارب ڈالرز ادا کرکے معاملات حل کرنے پر راضی ہوگئی ہے ماضی میں کمپنی کی جانب سے 2 ارب ڈالرز کے تحت معاملات حل کرنے کی پیشکش کی گئی تھی ہیلتھ اینڈ کنزیومر گڈز کمپنی نے ایک نیوز ریلیز میں یہ تجویز پیش کی-
رپورٹس کے مطابق یہ نئی پیشکش کمپنی کے ذیلی ادارے ایل ٹی ایل کے دیوالیہ ہونے کے دعوے سے منسلک تھی جانسن اینڈ جانسن نے ٹالک پاؤڈر کی وجہ سے کینسر ہونے کے دعوؤں کو سنبھالنے کے لیے ذیلی ادارہ ایل ٹی ایل بنایا تھا لیکن اس نے جنوری میں دیوالیہ ہونے کا دعویٰ کرتے ہوئے عدالت میں درخواست دائر کی جو کہ غلط دعوے کی وجہ سے خارج ہوئی۔
ہوائی جہاز جتنے بڑے شہابیے سے زمین کو ایک بار پھر خطرہ
جانسن اینڈ جانسن کے قانونی ماہر ایرک ہاس کا کہنا ہے کہ کمپنی کو اس بات پر یقین ہے کہ یہ دعوے جھوٹےاور بے بنیاد ہیں ان مقدمات کو ٹارٹ سسٹم(نقصان کی صورت میں بھرپائی) کے تحت حل کرنے میں کئی دہائیاں لگیں گی اور ہماری کمپنی پر بھی اخراجات عائد ہوں گے جبکہ زیادہ تر دعویداروں کو کبھی کوئی معاوضہ بھی نہیں ملے گامجوزہ تنظیم نو کے منصوبے کے ذریعے اس معاملے کو حل کرنا زیادہ مؤ ثر ہے اور اس سے دعویداروں کو بروقت معاوضہ مل جائے گا۔
تجویز کردہ تصفیہ، جو 25 سالوں میں قابل ادائیگی ہے، اس کے LTL مینجمنٹ یونٹ کے ذریعہ 2021 دیوالیہ پن کی فائلنگ کے سلسلے میں اس کی سابقہ پیشکش سے6.9 بلین ڈالر زیادہ ہے۔
