انٹربینک میں ڈالر ملک کی تاریخ کی نئی بلند ترین سطح پر پہنچ گیا
انٹربینک میں ڈالر 1 روپے 34 پیسے مہنگا ہوگیا ،ڈالر پہلی بار 288 روپے 43 پیسے کی بلند ترین سطح پر بند ہوا، دوسری جانب پاکستان سٹاک ایکسچینج میں کاروبار کا مثبت رجحان دیکھنے میں آیا ہے پاکستان سٹاک ایکسچینج کا 100 انڈیکس 17 پوائنٹس کے اضافے سے 39 ہزار 853 پر آ گیا۔ گزشتہ روز 100 انڈیکس 39 ہزار 835 پوائنٹس پر بند ہوا تھا
علاوہ اذیں اسٹیٹ بینک آف پاکستان نے بینکنگ اعداد وشمار جاری کر دیئے،مارچ 2023 کے اختتام پر بینکوں کے ڈپازٹس 23 ہزار 562 ارب روپے رہے ،مارچ میں بینکوں کے ڈپازٹس 640 ارب روپے بڑھے ہیں۔ مارچ 2022 سے رواں سال مارچ تک بینکوں کے ڈپازٹس 3086 ارب روپے بڑھے ہیں مارچ 2013 سے رواں سال مارچ تک بینکوں کے ڈپازٹس 16 ہزار 785 ارب روپے بڑھے ہیں۔مارچ 2023 کے اختتام پر بینکوں کی سرمایہ کاری 19 ہزار 235 ارب روپے رہے مارچ میں بینکوں کی سرمایہ کاری 243 ارب روپے بڑھے ہیں۔مارچ 2022 سے رواں سال مارچ تک بینکوں کی سرمایہ کاری 4223 ارب روپے بڑھے ہیں مارچ 2013 سے رواں سال مارچ تک بینکوں کی سرمایہ کاری 15 ہزار 211 ارب روپے بڑھے ہیں۔
دوسری جانب صنعتکار رہنما چیئرمین ٹاؤن شپ انڈسٹریز ایسوسی ایشن لاہو میاں خرم الیاس نے کہا ہے کہ ملک کرنسی روپے کی مضبوطی کیلئے امریکی ڈالر پر انحصار کم کرکے اور دوست ممالک کی کرنسیوں میں عالمی اور علاقائی تجارت کو فروغ دے کر ملکی معیشت کو مضبوط اور مستحکم کیا جائے۔موجودہ صورتحال میں جبکہ آئی ایم ایف سے قرض کی قسط مسلسل التواء کا شکار ہے جس کے باعث ملک میں ڈالر کی کمی کے باعث ایل سیز نہ کھلنے سے درآمدی کینٹینرز بندرگاہوں پر پھنسے ہوئے ہیں اور صنعتی شعبہ کو خام مال کی قلت کے باعث انڈسٹریز بند ہورہی ہیں اور ملک میں بے روزگاری میں اضافہ کے ساتھ ساتھ اشیاء کی قیمتوں میں اضافوں سے ملک میں ہوشربا اور تاریخی مہنگائی برپا ہے ایسی صورتحال میں یہ بہترین موقع اور وقت کی اشد ضرورت ہے کہ معیشت کے استحکام اور روپے پر دباؤ کم کرنے کیلئے ڈالر کی بجائے دوست ممالک کی کرنسیوں میں تجارت کے مواقع کی تلاش کو اولین ترجیح دی جائے اور دنیا کے ساتھ بار ٹرٹریڈکو فروغ دیا جائے۔
بانی ایم کیو ایم 1 کروڑ پاؤنڈ پراپرٹی کا کیس لندن ہائیکورٹ میں ہار گئے
مریم نواز بارے جھوٹی خبر پرتجزیہ کار عامر متین کو ہرجانے کا نوٹس بھیج دیا گیا
پنجاب اسمبلی کے انتخابات کے لیے کاغذات نامزدگی جمع
آئی ایم ایف سے معاہدے میں تاخیر پر حکومت کا امریکا سے بات کرنے کا فیصلہ
