قمبرشہداد کوٹ کے علاقے وگن میں ملزمان نے خاتون کو قتل کرنے کے بعد لاش کو آگ لگا دی ہے۔
باغی ٹی وی : پولیس کے مطابق وگن تھانہ کی حدود میں انسانیت سوز واقعہ پیش آیا جہاں ملزمان نے خاتون قتل کرکے لاش کوآگ لگا دی جس کے بعد کھیتوں سے خاتون کی بوری بند جلی ہوئی لاش برآمد کی گئی۔
ملتان:پولیس اہلکار کی فائرنگ سے 2 نوجوان جاں بحق
واقعے سے متعلق پولیس کا کہنا ہے کہ لاش کی تاحال شناخت نہ ہوسکی ہے جبکہ لاش تحویل میں لے کر تفتیش شروع کردی ہے۔
دوسری جانب ٹانک میں اماخیل ملازئی روڈ پر فائرنگ سے تین افراد جاں بحق ہوگئے پولیس کے مطابق فائرنگ کے نتیجے میں جاں بحق ہونے والوں کی شناخت نعمان، عبید، سلمان کے نام سے ہوئی ہے۔
قبل ازیں شاہ رکن عالم کالونی میں پولیس کی فائرنگ سے 2 نو جوان جاں بحق ہوگئے پولیس کا دعویٰ ہے کہ موٹر سائیکل سوار نوجوانوں کو رکنے کا اشارہ کیا گیا لیکن اشارے کے باوجود نہ رکنے پر فائرنگ کی گئی جس کے نتیجے میں دونوں نوجوان جاں بحق اور ایک زخمی ہوگیا۔
لودھراں؛ آئل ٹینکر خانہ بدوشوں کی جھگیوں میں گھس گیا، 8 افراد جاں بحق
پولیس کا کہنا ہےکہ نوجوان ہوٹل سےکھانا کھا کرگھر جارہے تھے، جاں بحق ہونے والا نوجوان عثمان نویں جماعت کا طالب علم تھا جاں بحق ہونے والے دوسرے نوجوان سمیع اللہ کی عمر 19 سال تھی جب کہ نوجوانوں پر فائرنگ کرنے والا اہلکار فرار ہوگیا۔
