باغی ٹی وی کی رپورٹ کے مطابق تحریک لبیک نے ایک بار پھر میدان میں اترنے کا اعلان کر دیا
پنجاب کے شہر شیخوپورہ میں ریلی سے خطاب کرتے ہوئے تحریک لبیک کے سربراہ حافظ سعد رضوی کا کہنا تھا کہ 10 تاریخ آخری، 11 کو لانگ مارچ ہو گا، 10 تاریخ سے پہلے حکومت سے حکومت کے بھلے کیلئے درخواست ہے پیٹرول سستا کر دو، جب 11 کو نکلے جو الیکشن روکے ہیں وہ بھی پھر اسلام آباد میں کروا کر آئیں گے، کوئی الٹی میٹم نہی، اب بات سربازار ہو گی، زنان پارک میں زنانیوں کے پیچھے چھپ کر یا 25 صحافیوں کے سامنے نہیں اب بات سربازار ہوگی، پیٹرول سستا ہو جائے گا آزادی کی جنگ پھر بھی ناچنے والے نہیں لڑ سکیں گے، قوم 11 کی تیاری کرے گندم واپس آ کر کاٹ لیں گے سستے ڈیزل کے ساتھ کام کر لیں گے واپس آ کر، ایک کہتا ہے ووٹ کو عزت دو تم اپنے کارکن کو ہی عزت دے لو پاکستان آ کر،
سربراہ تحریک لبیک علامہ سعدحسین رضوی نے نواز شریف پر کڑی تنقید کرتے ہوئے کہا کہ جنکے وزیراعظم کو امریکی ائرپورٹ پر ننگا کیا گیا ہو وہ بھی قوم کو عزت دلوانے کی بات کرتے ہیں،دوسرا جو اسٹیبلشمنٹ کا لاڈلا بغل بچہ ہے قوم سے کہتا ہوں انہوں نے آزادی کی جنگ نہیں لڑنی، یہ جواسٹیبلشمنٹ کا روحانی و جسمانی بیٹا پھر رہا ہے اسکا پی ڈی ایم میں 14واں کھلاڑی بننے کا انتظار ہے، آزادی کی جنگ اگر لڑیں گے تو وہ رسولﷲﷺ کے غلام ہوں گے قوم لبیک کے ساتھ کھڑی ہو، اگر شوق ہوا سختیاں جیلیں ہتھکڑیاں کرنے کا تو ہم نے لندن کے ویزے لے کر اعلان نہیں کیا، ہم بھی یہاں ہیں ہمارے اباؤ اجداد کی قبریں بھی یہاں ہیں، زینب ریپ کیس میں اگر رَیپِڈ سپیڈی ٹرائل چل سکتا تو یہاں تو پوری امت کے آقاومولاﷺ کی ناموس کامعاملہ ہے، کورٹس سے کہتا ہوں عزتیں تو تمہاری نہیں رہیں اگر منصب بچانا چاہتے ہو تو رسولﷲﷺ کے دشمنوں کو فی الفور سزا دو ،
سربراہ تحریک لبیک نے حالیہ نبوت کے جھوٹے دعویداروں اور گستاخوں کو جلد سزا دینے کا مطالبہ کیا اور کہا کہ اگرمسلمان بیٹی کی ناموس کے حملہ آور کو دنوں میں پھانسی دی جاسکتی ہے تو رسولﷲﷺ کے مجرموں کو کیوں نہیں مل سکتی؟ عمران خان تیرا انتظار ہو رہا ہے کہ تو پی ڈی ایم میں کب شامل ہو گا، وزیر خزانہ ہو یا وزیراعظم 10 تاریخ تک آپکے بھلے کیلئے درخواست کر رہے ہیں آپ سے، ہم وہ نہیں ہیں جو آزادی لینے آئیں تو گوجر خان سے واپس مُڑ جائیں، ہم وہ بھی نہی ہیں جو جیل کی گاڑی دیکھ کر واش روم آجائے شوگر ہائی لو ہو جائے، ہم وہ بھی نہیں کہ 4 دن جیل میں رہیں تو باہر نکل کر رونا شروع کر دیں، قوم 11 کی تیاری کرے ہر طرف گلی گلی نگر نگر پیغام پہنچا دو، سب کام ہوں گے رسولﷲﷺ کا دین تخت پر آئے گا انشاءاللہ تعالیٰ،
