عمران خان کے خلاف اسلام آباد میں درج مقدمات کی تفصیل عدالت میں پیش

باغی ٹی وی کی رپورٹ کے مطابق تحریک انصاف کے چیئرمین عمران خان کے خلاف اسلام آباد میں درج مقدمات کی تفصیل عدالت میں پیش کردی گئی

اسلام آباد ہائیکورٹ میں عمران خان کے کیسز کی تفصیلات فراہمی کی درخواست پر سماعت ہوئی، چیف جسٹس اسلام آباد ہائیکورٹ عامر فاروق نے کیس کی سماعت کی ،عمران خان کے خلاف اسلام آباد میں درج کیسز کی تفصیل عدالت میں پیش کر دی گئی ،عدالت میں پیش کی گئی سرکاری رپورٹ میں کہا گیا ہے کہ عمران خان کیخلاف اسلام آباد میں درج مقدمات کی تعداد 29 ہے ، سرکاری وکیل نے کہا کہ عدالت کے حکم پر کیس کی تفصل عمران خان کو فراہم کردی گئی ہے

عدالت کی جانب سے عمران خان کی درخواست نمٹا دی گئی عدالت نے عمران خان کو اپنے خلاف درج کیسز سے متعلق متعلقہ فورم پر رجوع کرنے کی ہدایت کردی.

عمران خان نے مقدمات کی تفصیل کے لئے اسلام آباد ہائیکورٹ سے رجوع کیا تھا،دوسری جانب لاہور ہائیکورٹ میں بھی ایک درخواست دائر کی گئی تھی جس میں کہا گیا تھا کہ لاہور ہائی کورٹ میں دائر درخواست میں سیکرٹری داخلہ، وزارت قانون، دفاع، سیکرٹری کیبنیٹ ڈویژن، چیف سیکرٹری، آئی جی پنجاب، اینٹی کرپشن، نیب، ایف آئی اے، وزیر اعظم، پیمرا اور الیکشن کمیشن کو فریق بنایا گیا ہے درخواست میں موقف اختیار کیا گیا کہ ملک میں مجھ پر 121 ایف آئی آر درج کی گئیں، مقدمات کوئٹہ، کراچی، اسلام آباد اور لاہور میں درج کیےگئے ہیں، نگران صوبائی حکومت کی جانب سے انتقامی کاروائیاں کی گئی ہیں تحریک انصاف کے سپورٹرز اوررہنماؤں کو نظربند اور گرفتار کیا جا رہا ہے- درخواست میں استدعا کی گئی ہےکہ درخواست کےفیصلے تک عدالت درج مقدمات میں کارروائی روکنےکا حکم دے پہلے سے درج مقدمات میں تادیبی کارروائی سے روکا جائے، عدالت بغیرنوٹس فوجداری کارروائی کرنے سے روکنےکا حکم جاری کرے۔

جو عدالتی فیصلے پر عمل نہیں کرے گا وہ نااہل ہو جائے گا،اعتزاز احسن

چیف جسٹس سمیت سپریم کورٹ کے 8 ججز کیخلاف سپریم جوڈیشل کونسل میں ریفرنس دائر