این آئی آر سی کے 8 ممبران کی تقرری کی منظوری

وفاقی کابینہ نے نیشنل انڈسٹریل ریلیشنز کمیشن (این آئی آر سی) کے 8 ممبران کی تقرری کی منظوری دے دی۔

باغی ٹی وی: اتوار کو جاری پریس ریلیز کے مطابق وزارت سمندر پار پاکستانیز وانسانی وسائل کی ترقی نے 30 اپریل 2023 کو کمیشن کی خالی آسامیوں پر تقرری کے لیے نامزدگیوں کے پینل پر مشتمل سمری کابینہ کو پیش کی۔

پاکستان سمیت دنیا بھر میں لیبر ڈے منایا جا رہا ہے

وفاقی کابینہ نے وزارت کی تجویز پران آسامیوں پر فوری طور پر مؤثر اپنے فیصلے کے ذریعے سید نورالحسنین (ریٹائرڈ سول سرونٹ)، عبد القیوم (ریٹائرڈ ڈسٹرکٹ اینڈ سیشن جج)، سہیل اکرم (ریٹائرڈ ڈسٹرکٹ اینڈ سیشن جج)، زبیرخان (ریٹائرڈ ڈسٹرکٹ اینڈ سیشن جج)، شبیر حسین اعوان (ریٹائرڈ ڈسٹرکٹ اینڈ سیشن جج)، سراج الاسلام خان (ایڈووکیٹ)، عبدالغنی (ایڈووکیٹ) اور منور حسین طوری (ایڈووکیٹ) کو این آئی آرسی میں ممبران کے طور پرتعینات کرنے کی منظوری دے دی۔

لاہور: نامعلوم افراد مبینہ اجتماعی زیادتی کے بعد لڑکی کو سڑک پر پھینک کر فرار

وزارت نے کابینہ فیصلے کے مطابق اراکین کی تقرری کا باضابطہ نوٹیفکیشن بھی جاری کردیا ہے۔