گو جرہ :چلو چلو اسلام آباد چلو،سرکاری ملازمین کا تنخواہوں میں اضافہ کے لئے احتجاج

گو جرہ ،باغی ٹی وی (نامہ نگار عبدالرحمن جٹ)چلو چلو اسلام آباد چلو،سرکاری ملازمین کا تنخواہوں میں اضافہ کے لئے احتجاج
تفصیل کے مطابق اگیگا فیصل آباد ڈویژن ، آج پنجاب ٹیچر یونین ڈسٹرکٹ فیصل آباد کی ضلعی باڈی کا اجلاس زیر صدارت چوہدری بشارت علی چٹھہ ڈویژنل صدرپنجاب ٹیچرز یونین وصدر اگیگا فیصل آباد ڈویژن منعقد ہوا جس میں بہت سے یونین نمائندگان اور ٹیچر برادری نے شرکت کی اجلاس میں یونین نمائندگان اور ٹیچر برادری کو موجودہ مسائل سے آگاہ کیا گیا کہ مہنگائی کا تناسب اتنا بڑھ چکا ہے کہ گورنمنٹ ملازمین کا زندگی گزارنا مشکل ہو گیا ہے اس سال کے اندر مہنگائی تقریباً دو سو پرسنٹ بڑھ چکی ہے اور سرکاری ملازمین کی تنخواہ وہی سابقہ ہےاس لئے ہم پنجاب گورنمنٹ سے اور وفاقی گورنمنٹ سے مطالبہ کرتے ہیں کہ سرکاری ملازمین کی تنخواہوں میں 100 پرسنٹ اضافہ کیا جائے ۔ ہاؤس رینٹ اور میڈیکل الاؤنس میں بھی100% اضافہ کیا جائے اس سلسلے میں انشاءاللہ پنجاب ٹیچر یونین اگیگا کے پلیٹ فارم سے اسلام آباد میں 8جون کو احتجاج کر رہی ہے ہم انشاء اللہ فیصل آباد کی نمائندگی کرتے ہوئے اگیگا کے پلیٹ فارم سے بھرپور شرکت کریں گے اور پاک فوج سے اظہار یکجہتی کرتے ہوے سرکاری ملازمین کے مسائل کے سلسلے میں میں پارلیمنٹ ہاؤس کے سامنے احتجاج کریں گے تمام اساتذہ اور یونین نمائندگان نے اس بات کی تصدیق کی کہ انشاءاللہ فیصل آباد کی بھرپور نمائندگی ہوگی اور اپنے حق کے لیے انشاءاللہ احتجاج میں شامل ہوں گے