مراکش سے تعلق رکھنے والی 4 خوش قسمت ترین بہنوں کا حج قرعہ اندازی میں نام نکل آیا-
باغی ٹی وی: عرب میڈیا کی ایک رپورٹ کےمطابق 60 سال سےزائد عمر کی چار بہنیں عائشہ ناصر، فاطمہ ناصر ، حلیہ ناصر اور خدیجہ ناصر گزشتہ کئی برسوں سےحج کی سعادت کی خواہش مند تھیں اس خواہش کی تکمیل کیلئے چاروں بہنوں نے متعدد بار کوششیں کی لیکن کامیاب نہ ہوسکیں ان میں سے سب سے چھوٹی بہن کی عمر 65 برس اور سب سے بڑی کی عمر 82 سال سے زیادہ تھی۔
قازقستان کے جنگلات میں آگ، مرنے والوں کی تعداد 14 ہوگئی
ان کے مطابق بہنوں نےگزشتہ برسوں میں حج کے لیے کئی مرتبہ کوششیں کیں مگر قرعہ اندازی میں نام نہ آنےکی وجہ سے ان کی کوشش کامیاب نہ ہو سکی تھی۔ اس سال انہوں نے اپنے نام ایک لفافے میں جمع کرائے اور ان کے ناموں کا لفافہ قرعہ اندازی میں نکل آیا آخر کار چاروں مراکشی بہنوں کو پہلی مرتبہ حج کریم ادا کرنے کی سعادت کا موقع مل گیا۔
محمد خامس انٹرنیشنل ایئرپورٹ کے روڈ ٹو مکہ انیشی ایٹو ہال کے اندر چاروں بہنوں نے میڈیا کو بتایا کہ ہم بیان نہیں کر سکتے کہ ہم کس قدر خوش ہیں۔ ہم برسوں کا انتظار کرنے کے بعد اب حج ادا کرنے جا رہے ہیں۔ اللہ کا شکر ہے، اس سال ہماری خواہش پوری ہو رہی ہے۔
برطانیہ :مزید دو اراکین پارلیمنٹ رکنیت سے مستعفی
انہوں نے کہا یہ ’’ روڈ ٹو مکہ‘‘ اقدام کا طریقہ کار تھا جس نے ہمارے لیےآسانیاں پیدا کی ہیں اب ہمارے سعودی عرب میں داخلے کا طریقہ کار چند منٹوں میں ہمارے اپنےملک میں ہی پورا ہوگیا ہےہم سعودی عرب پہنچیں گے چاروں بہنوں نے طریقہ کار کی اس آسانی پر سعودی قیادت کا شکریہ بھی ادا کیا۔