باغی ٹی وی (ویب نیوز)راولپنڈی کے تھانہ ائیرپورٹ کے علاقہ گلستان کالونی میں 13 سالہ یتیم لڑکی کو تین ملزمان نے اجتماعی زیادتی کا نشانہ بنا کر اس کے بال کاٹ دیے، پولیس نے متاثرہ لڑکی کے دادا کی مدعیت میں مقدمہ درج کرکے واقعہ کی تفتیش شروع کردی۔متاثرہ لڑکی کے دادا نے پولیس کو بتایا کہ ان کی 13 سالہ پوتی گھر کا سودا سلف لینے نکلی تو ملزم سلمان نے دیگر دو ملزمان کے ساتھ مل کر اسے اغواء کرلیا اور زیادتی کا نشانہ بنایا، ملزمان نے بچی کے سر کے بال بھی کاٹ دیے۔
سی پی او راولپنڈی سید خالد محمود ہمدانی نے واقعے کا نوٹس لے کر ایس پی پوٹھوار سے رپورٹ طلب کرتے ہوئے ملزمان کی فوری گرفتاری کی ہدایات جاری کردی۔
ترجمان پولیس کے مطابق متاثرہ لڑکی کا طبی معائنہ کرایا جارہا ہے، نامزد ملزم سلمان متاثرہ لڑکی کا کزن ہے جس کی گرفتاری کیلئے چھاپے مارے جا رہے ہیں۔
Shares:
