پشاور کی اینٹی کرپشن عدالت نے سابق وفاقی وزیر علی محمد خان کی ضمانت منظور کرتے ہوئے رہائی کا حکم دے دیا۔
باغی ٹی وی: اینٹی کرپشن عدالت کے جج بابر علی نے علی محمد خنا کی درخواست ضمانت پر سماعت کی اور علی محمد خان کو 80 ہزار روپے کے مچلکے جمع کرانے کا حکم دیتے ہوئے ان کی ضمنات منظور کرلی علی محمد خان جوڈیشل ریمانڈ پر مردان جیل میں ہیں۔
واضح رہے کہ 9 جون کو مردان کی انسداد دہشت گردی عدالت کے حکم پر علی محمد خان کو رہا کیا گیا تو اینٹی کرپشن مردان نے انھیں دبارہ دھر لیا تھا پشاور ہائیکورٹ سے تھری ایم او کیس میں ضمانت ملنے پر علی محمد خان کو پشاور سنٹرل جیل سے رہا کیا گیا تھا۔ پشاور سینٹرل جیل سے رہائی کے فوراً بعد ہی مردان پولیس نے سابق وفاقی وزیر کو 9 اور 10 مئی کو توڑ پھوڑ اور جلاؤ گھیراؤ کیس میں گرفتار کیا۔
روس کو درپیش مشکل ترین آزمائش پر قابو پالیا گیا ہے،روسی صدر
مردان پولیس نے علی محمد خان کو انسداد دہشتگردی عدالت میں پیش کرکے 14 روزہ جسمانی ریماںڈ کی استدعا کی لیکن جج عبیداللہ شاہ نے کیس سے علی محمد خان کا نام خارج کرکے رہائی کا حکم دیا،اے ٹی سی جج نے فیصلے میں لکھا کہ علی محمد خان پہلے ہی پولیس کی تحویل میں کافی وقت رہے جبکہ وہ مقدمے میں براہ راست نامزد بھی نہیں ہیں اور ناہی توڑ پھوڑ میں ملوث ہونے کے شواہد ملے ہیں۔ اس لیے اگر کسی اور کیس میں مطلوب نہیں تو انھیں رہا کیا جائے۔
شیخ رشید کیخلاف اسلام آباد میں 7 مقدمات،رپورٹ عدالت جمع
عدالتی حکم کے بعد رہائی ملنے پر علی محمد خان کو مردان میں انٹی کرپشن نے غیر قانونی بھرتیوں کے الزام میں گرفتار کرلیا،علی محمد خان کیخلاف مقدمہ 10 مئی کو درج کیا گیا۔ ایف آئی آر کے مطابق ان پر محکمہ فشری میں غیر قانونی بھرتیوں کا الزام ہے، تنخواہوں کی مد میں سرکاری خزانے کو 23 لاکھ 56 ہزار روپے کا نقصان پہنچا۔
ایف آئی آر میں علی محمد خان سمیت 16 پی ٹی آئی رہنماء نامزد کیا گیا جس میں سابق صوبائی وزیر عاطف خان بھی شامل ہیں جبکہ سابق ایم پی اے افتخار مشوانی، عبدالسلام اور ظاہر شاہ طور و بھی نامزد ہوئے-