گوجرہ : نامعلوم موٹرسائیکل سوار کی فائرنگ سے شادی شدہ خاتون قتل

گو جرہ، باغی ٹی وی( نامہ نگار عبدالرحمن جٹ)نامعلوم موٹرسائیکل سواروں کی فائرنگ سے شادی شدہ خاتون قتل
تفصیل کے مطابق گوجرہ میں محلہ عیدگاہ کے قریب رہائش پذیرتحریم منور نے اضافی آبادی چک نمبر364ج ب شہباز عرف صاحب سے شادی کی ہوئی تھی تحریم منور فون کال موصول ہونے پر اپنے گھر سے باہر نکلی اور گھر کے قریب ہی موجود تھی کہ اس دوران نامعلوم موٹر سائیکل سوارمسلح شخص نے اس پراندھادھند فائرنگ کردی جس کے نتیجہ میں تحریم موقع پرہی دم توڑ گئی اور ملزم موقع سے فرار ہونے میں کامیاب ہو گیا اطلاع ملنے پر ڈی ایس پی گوجرہ پولیس نفری سمیت موقع پر پہنچ گئے اور خاتون کی لاش تحویل میں لے کر تحصیل ہیڈکوارٹر ہسپتال گوجرہ منتقل کردی پولیس نے ملزم کی گرفتاری کےلئے چھاپے مارنے شروع کردئیے ہیں ،اس وقت تک وجہ قتل سامنے نہ آئی ہے-