وزیراعظم محمد شہبازشریف نے انجینئر امیر مقام سے اسلام آباد میں ملاقات کی ہے

وزیراعظم محمد شہباز شریف سے انکے مشیرِ انجینئیر امیر مقام نے وزیراعظم ہاؤس اسلام آباد میں ملاقات کی۔
اس موقع پر دیرسے تعلق رکھنے والے متحدہ عرب امارات میں مقیم گلف ٹوڈے کے ایڈیٹر اور انجینئرامیرمقام کے دیرینہ دوست عنایت الرحمان بھی موجود تھے۔ملاقات میں انکے وزارت، ملک کی موجودہ سیاسی صورتحال، خیبرپختونخوا میں پارٹی امور اور آنے والے انتخابات کے بارے تبادلہ خیال کیا گیا۔
انجینئیر امیر مقام نے حالیہ دورہ پشاور کے دوران ضم شدہ اضلاع کے لیے یونیورسٹی کے قیام سے ان علاقوں کے باصلاحیت نوجوانوں کو بین الاقوامی معیار کی تعلیم کے مواقع فراہم کرنے پر وزیراعظم محمد شہباز شریف کا شکریہ ادا کیا۔
گلف ٹوڈے کے ایڈیٹر نے متحدہ عرب امارات اور پاکستان کے دوطرفہ تعلقات سے متعلق امور سمیت سمندر پار پاکستانیوں سے متعلق امور پر بھی بات کی۔