گھوٹکی میں امن وامان کی بگڑتی صورتحال، شہری احتجاجاََ سڑکوں پر نکل آئے

میرپور ماتھیلو (باغی ٹی وی نامہ نگار مشتاق علی لغاری)گھوٹکی میں امن وامان کی بگڑتی صورتحال، شہری احتجاجاََ سڑکوں پر نکل آئے
تفصیل کے مطابق گھوٹکی ضلع بھر میں امن وامان کی بگڑتی صورتحال پر سینکڑوں شہری سڑکوں پر نکل آئے ، سندھ ترقی پسند پارٹی کی جانب سے احتجاجی ریلی نکالی گئی

ریلی کی قیادت ایس ٹی پی رہنما جام عبدالفتاح نے کی ،ریلی شہر کے مختلف راستوں سے ہوتی ہوئی بھٹائی چوک پر پہنچ کر دھرنے کی شکل اختیار کر گئی ،شہریوں نے انتظامیہ کے خلاف شدید نعرے بازی کی، شرکاء کا کہنا تھا کہ ضلع بھر میں قتل اغوا ، ڈکیتی کی وارداتوں میں اضافہ ہوگیا ہےء گھوٹکی پولیس امن و امان کی بحالی میں مکمل طور پر ناکام ہوچکی ہے ، کچے میں جنگی بنیادوں پر فوجی آپریشن کرکے ڈاکوؤں کا خاتمہ کیا جائے