ڈیرہ اسماعیل خان : ڈی پی او کا پولیس لائن کا معائنہ،محرم الحرام ڈیوٹی کے دوران دیاجانیوالا کھانا چیک کیا

ڈیرہ اسماعیل خان،باغی ٹی وی (نامہ نگاراحمدنوازمغل ) ڈی پی او ڈیرہ کا پولیس لائن کا معائنہ،میس پر محرم الحرام ڈیوٹی کے دوران پولیس کو فراہم کیے جانیوالا کھانا خود کھا کر چیک کیا،اطمینان کا اظہار۔

تفصیلات کے مطابق ڈسٹرکٹ پولیس آفیسر ڈیرہ عبدالرئوف بابر قیصرانی نے اعجاز شہید پولیس لائن ڈیرہ میں محرم الحرام کیلئے پولیس نفری کو فراہم کئے جانیوالے کھانے کو چیک کیا اور ضلع لائن میں موجود دوسرے اضلاع سے آنیوالی نفری کو بھی چیک کیا ۔ ڈی پی او نے محرم ڈیوٹی کیلئے فراہم کئے جانیوالے کھانے اور میس عملہ پر اطمینان کا اظہار کیا اور کہاکہ کسی بھی قسم کی غفلت و کوتاہی ہرگز برداشت نہیں کی جائے گی۔