خیبر پختونخوا کے 14 اضلاع میں موبائل سروس بند رہے گی

نویں اور دسویں محرم الحرام کو خیبر پختونخوا کے14 اضلاع میں سیکیورٹی کے پیش نظر موبائل سروس بند رہیگی۔ ملک کے دیگر صوبوں کی طرح خیبر پختونخوا میں بھی نویں اور دسویں محرم الحرام کو کئی اضلاع میں موبائل سروس بند کرنے کا فیصلہ کیا گیا ہے۔ محکمہ داخلہ خیبر پختونخوا نے 14 اضلاع میں سروس بند کرنے کے لئے متعلقہ اداروں کو اگاہ کردیا ہے۔ محکمہ داخلہ خیبر پختوںخوا کے مطابق نو محرم کو پشاور صدر ، اندرون شہر، پشتخرہ، نوتھیہ، حسن گھڑی، تہکال اور پچگی روڈ پر صبح آٹھ بجے سے رات نو بجے تک موبائل سگنلز بند ہونگے۔ دس محرم کو اندرون شہر پشاور اور وڈپگہ میں صبحے آٹھ سے رات بارہ بجے تک موبائل سروس معطل رہے گی۔ اسطرح مردان شہر میں دس محرم کو صبح آٹھ سے رات دس بجے تک موبائل سروس بند رہیگی۔ نوشہرہ کینٹ میں نویں اور دسویں محرم الحرام کو سگنلز بند رہیں گے۔