اسرائیل سے سعودی عرب تک ریلوے لائن منصوبہ
![](https://baaghitv.com/wp-content/uploads/2023/07/WhatsApp-Image-2023-07-31-at-4.03.53-PM.jpeg)
اسرائیلی وزیر اعظم بنجمن نیتن یاہو نے اسرائیل سے سعودی عرب تک ریل نیٹ ورک بنانے کے منصوبے کا انکشاف کیا ہے۔ 27 بلین ڈالر کی لاگت والے اس عظیم توسیعی منصوبے کا مقصد دور دراز علاقوں کو تل ابیب سے جوڑنا اور اس کا دائرہ سعودی عرب تک پھیلانا ہے۔
باغی ٹی وی: ” ٹائمز آف اسرائیل” کے مطابق نیتن یاہو کا یہ اعلان امریکی عہدیداروں کے سعودی عرب کے حالیہ دوروں کے بعد سامنے آیا ہے، یہ اعلان اسرائیل اور سعودی عرب کے درمیان رسمی تعلقات کی جانب ممکنہ اقدامات کی نشاندہی کرتا ہے۔
وزیر اعظم بنجمن نیتن یاہو نے اتوار کو شمالی شہر کریات شمونہ کو بحیرہ احمر کے ریزورٹ ایلات سے ریل کے ذریعے جوڑنے کے لیے NIS 100 بلین ($27 بلین) کے منصوبے کا اعلان کیاانہوں نےمزید کہا کہ یہ لائن مستقبل میں اسرائیل کو سعودی عرب اور جزیرہ نما عرب سے جوڑنے کے قابل ہو جائے گی، ہم اس پر بھی کام کر رہے ہیں۔
نیتن یاہو نے سعودی عرب کے ساتھ تعلقات کو معمول پر لانے کا ایک اہم ہدف مقرر کیا ہے، لیکن ان کی حکومت میں انتہائی دائیں بازو کے بااثر عناصر کی وجہ سے اس کا امکان بہت کم دکھائی دیتا ہےنیویارک ٹائمز نے سنیچر کو ایک اسرائیلی اہلکار کا حوالہ دیتے ہوئے رپورٹ کیا کہ معمول پر آنے والے معاہدے کےلیےفلسطینیوں کو "اہم رعایتوں” کی ضرورت ہوگی جو موجودہ سخت گیر اتحاد کی جانب سے منظور کیے جانے کا امکان نہیں ہے۔
نیتن یاہو نے اپنی ہفتہ وار کابینہ کے اجلاس کے آغاز میں کہا کہ اسرائیل میں موجودہ سیاسی عدم استحکام نے معیشت کو درہم برہم کر دیا ہے اور اس کے مغربی اتحادیوں کو گزشتہ سات مہینوں سے بے حال کر دیا ہے، نیتن یاہو بشمول ”ایک اسرائیلی پروجیکٹ“ بنیادی ڈھانچےکےمنصوبوں پر توجہ مرکوز کر رہے ہیں اس پروجیکٹ کا مقصد بنیادی کاروباری اور سرکاری علاقوں میں سفر کے اوقات کو دو گھنٹہ کم کرنا ہے۔
اپنے خطاب میں، نیتن یاہو نے مزید کہا کہ مستقبل میں ایلات سے بحیرہ روم تک ریل کے ذریعے سامان کی منتقلی ممکن ہو سکتی ہے اور ممکنہ طور پر ٹرین سروس کو سعودی عرب اور جزیرہ نما عرب تک توسیع دی جا سکتی ہے وزیر اعظم نے کہا کہ لوگوں کو تقریباً 400 کلومیٹر (250 میل) کے فاصلے پر تیزی سے منتقل کرنے کے علاوہ، لائن ایلات بندرگاہ سے بحیرہ روم کے ٹرمینلز تک سامان کی منتقلی کی اجازت دے گی۔
اسرائیل کے وزیر خزانہ بیزالیل سموٹرچ نے امید ظاہر کی ہے کہ شمال سے جنوب تک پھیلا ہوا یہ تیز رفتار ریل منصوبہ اگلی دہائی تک فعال ہوسکتا ہے-