نوشہروفیروز،باغی ٹی وی (ویب نیوز)پڈعیدن کے قریب علامہ اقبال ایکسپریس کی 2 بوگیاں پٹری سے اترگئیں۔
ریلوے حکام کے مطابق کراچی سے سیالکوٹ جانے والی علامہ اقبال ایکسپریس کی 2بوگیاں نوشہروفیروز کے شہر پڈعیدن کے قریب پٹری سے اترگئیں جس کی وجہ سے اپ ٹریک بند ہو گیا۔
علامہ اقبال ایکسپریس کراچی سے سیالکوٹ جارہی تھی، خوش قسمتی سے واقعے میں کوئی جانی نقصان نہیں ہوا۔
ڈی ایس ریلوے کے مطابق ریلیف ٹرین کو حادثے کےمقام پر پہنچنے میں 2 گھنٹے لگیں گے جبکہ کراچی سے پنجاب جانے والی دیگر ٹرینوں کو مختلف اسٹیشن پر روک دیا گیا ہے۔
