لاہور: سابق وفاقی وزیر ڈاکٹر یاسمین راشد کے جوڈیشل ریمانڈ میں 14دن کی توسیع کر دی۔
باغی ٹی وی: انسدادِ دہشتگردی عدالت میں 4 مقدمات میں ڈاکٹر یاسمین راشد کو جوڈیشل ریمانڈ کی معیاد ختم ہونے پر پیش کیا گیاانسدادِ دہشت گردی عدالت کی ایڈمن جج عبہر گل خان نے مقدمات کی سماعت کی پولیس کی جانب سے ڈاکٹر یاسمین راشد کے جوڈیشل ریمانڈ میں توسیع کی استدعا کی گئی۔
عدالت کو بتایا گیا کہ ملزمہ کا جوڈیشل ریمانڈ مکمل ہو چکا ہے، عدالت جوڈیشل ریمانڈ میں توسیع کا حکم صادر کرے عدالت نے پولیس کو مقدمہ کا چالان جلد مکمل کر کے پیش کرنے کا حکم دیتے ہوئے، ڈاکٹر یاسمین راشد کے جوڈیشل ریمانڈ میں 17 اگست تک توسیع کر دی۔
انضمام الحق پاکستان کرکٹ ٹیم کے دوسری بار چیف سلیکٹر تعینات
یاد رہے کہ ڈاکٹر یاسمین راشد پر جناح ہاؤس، (ن) لیگ کے دفتر اور عسکری ٹاور پرحملے کروانے اور تھانہ شادمان کو جلانے کا الزام ہے، ملزمہ کیخلاف گلبرگ، شادمان، ماڈل ٹاؤن اور سرور روڈ تھانوں میں مقدمات درج ہیں۔
