واشنگٹن: امریکا نے پاکستان میں عام انتخابات پر ہنگاموں کا ظاہر کردیا ہے۔
باغی ٹی وی: ترجمان وائٹ ہاؤس قومی سلامتی کونسل جان کربی کا ایک بیان میں کہنا ہے کہ پاکستان میں انتخابی تشدد کے امکانات کو تشویش کے ساتھ دیکھ رہے ہیں، جہاں انتخابات ہونے والے ہیں وہیں معروف سیاست دان عمران خان کو روک دیا گیا ہے، پاکستان اتحادی ملک ہے، خصوصاً دہشتگردی کے خلاف جنگ میں ہمارا اتحادی ہے، پاکستان میں عدم استحکام کاسبب بنے والی کسی بھی کارروائی پرنظر رکھے ہوئے ہیں۔
انہوں نے کہا کہ ہمیں واضح طور پر کسی بھی ایسے اقدامات بالخصوص پرتشدد کارروائیوں پر تشویش ہے جو پاکستان یا کسی بھی ایسے ملک میں عدم استحکام کا باعث بن سکتے ہیں جس کے ساتھ انسداد دہشت گردی کے حوالے سے ہمارے مشترکہ مفادات ہیں۔
پاکستان کے حوالے سےامریکا پر لگائے جانے والے الزامات جھوٹے ہیں،امریکی محکمہ خارجہ
واضح رہے کہ چیئرمین پی ٹی آئی عمران خان کو الیکشن کمیشن کی جانب سے نااہل قرار دیا جا چکا ہے 5 اگست کو ایڈیشنل سیشن جج ہمایوں دلاور نے توشہ خانہ کیس میں چیئرمین پاکستان تحریک انصاف عمران خان کو 3 سال قید اور ایک لاکھ روپے جرمانے کی سزا سنائی تھی عدالت کی جانب سے سزا سنائے جانے کے بعد پولیس نے عمران خان کو لاہور میں ان کی رہائش گاہ سے گرفتار کر کے اٹک جیل منتقل کیا تھا اور وہ وہاں سزا کاٹ رہے ہیں۔