انٹرنیشنل کرکٹ کونسل (آئی سی سی) نے ورلڈ کپ 2023 کے ٹکٹوں کی فروخت کے حوالے سے اہم اعلان کردیا۔
باغی ٹی وی:آئی سی سی کے مطابق بھارت میں کھیلے جانے والے ون ڈے ورلڈ کپ 2023 کے ٹکٹوں کی فروخت 25 اگست سے شروع ہوگی، یعنی ایونٹ کے پہلے میچ سے صرف 40 قبل شائقین ٹکٹ خرید سکیں گے وارم اپ اور ٹورنامنٹ کے ان میچز کے ٹکٹس 25 اگست سے فروخت کے لئے پیش کیے جائیں گے جن میں بھارت شریک نہیں ہو رہا۔
اس کے بعد بھارت کے خلاف میچوں کے لئے ٹکٹیں 6 مرحلوں میں فروخت کی جائے گی، پہلا مرحلہ 30 اگست کو بھارت کے وارم اپ میچز ، دوسرا مرحلہ 31 اگست کو بھارت کے ورلڈ کپ میں گروپ میچز کے ٹکٹ فروخت کیے جائیں گےاس کے علاوہ ٹکٹوں کی فروخت کا تیسرا اور چوتھا مرحلہ بالترتیب ایک تا دو ستمبر، جب کہ پانچواں مرحلہ پاک مقابلہ اور چھٹے مرحلے میں ٹورنامنٹ کے سیمی فائنل اور فائنل کے ٹکٹس فروخت ہوں گے۔
ورلڈ کپ سے قبل کولکتہ کے ایڈن گارڈنز اسٹیڈیم میں آتشزدگی،کرکٹرز کا سامان جل کر …
آئی سی سی کے ہیڈ آف ایونٹس کرس ٹیٹلے نے ایک بیان میں کہا کہ ہم کرکٹ کے لاکھوں شائقین سے اپیل کرتے ہیں کہ وہ اگلے ہفتے سے اپنی دلچسپی کا اندراج کروائیں تاکہ اس بات کو یقینی بنایا جاسکے کہ آپ ٹکٹ کی خبر حاصل کرنے والے پہلے افراد میں سے ایک ہیں۔
