سابق پرنسپل سیکرٹری اعظم خان کے بیان کے بعد پی ٹی آئی رہنماؤں کی گرفتاریاں
اسلام آباد: اعظم خان کے بیان کے بعد ہی ایف آئی اے نے آفیشل سیکرٹ ایکٹ کے تحت درج ایف آئی آر میں گرفتاریاں شروع کیں-
باغی ٹی وی: سابق پرنسپل سیکرٹری اعظم خان نے گزشتہ ہفتے سائفر معاملے میں 161 کا بیان ریکارڈ کراتے ہوئے حقائق کھول کر رکھ دیئے پہلے شاہ محمود قریشی ، اس کے بعد اسد عمر کو گرفتار کر لیا گیا،ایف آئی اے کے مطابق شاہ محمود قریشی کی گرفتاری 15 اگست کو ایف آئی اے انسداد دہشتگردی ونگ اسلام آباد میں سائفر گمشدگی کے حوالے سے درج مقدمے میں کی گئی۔
وزارت داخلہ کے سیکرٹری یوسف نسیم کھوکھر کی مدعیت میں ایف آئی اے نے سائفر گمشدگی کا مقدمہ سنگین آفیشل سیکرٹ ایکٹ 6،5-1923 اور سیکشن 34 کے تحت درج کیا ہے، جس میں چئیرمین پی ٹی آئی اورشاہ محمود قریشی سمیت دیگر کو ملزم نامزد کیا گیا ہے۔
شاہ محمود قریشی گرفتار
سابق پرنسپل سیکرٹری اعظم خان نے نیب ٹیم کے سامنے انکشاف کیا تھ کہ سابق وزیراعظم نے ایسٹ ریکوری یونٹ کے سربراہ شہزاد اکبرکو 190 ملین پاؤنڈ کا معاملہ حوالے کیا تھا 2 فروری 2019 کو شہزاد اکبرنے 190 ملین پائونڈ کا سیل بند ریکارڈ سابق وزیراعظم کوذاتی حیثیت میں پیش کیا،اس پوری ڈیل کا خفیہ ریکارڈ شہزاد اکبراورتحریک انصاف کے چیرمین کے پاس ہے۔
سابق پرنسپل کے مطابق ایسٹ ریکوری یونٹ کے سربراہ شہزاد اکبر نے 190 ملین پونڈ کیس کے معاملے میں پرنسپل سیکرٹری سے کوئی کمیونیکیشن شئیرنہیں کی این سی اے 190 ملین پاؤنڈ کی پاکستانی واپسی کی ڈیل سے شہزاد اکبر نے صرف اس وقت کے وزیراعظم کوآگاہ کیا تھا این سی اے سے 190 ملین پائونڈ پاکستان کوحوالگی سے متعلق معاملے کو کابینہ میں باقاعدہ بحث کیلیے پیش نہیں کیا گیا کابینہ کے پانچ ارکان نے این سی اے معاہدہ اورپیسے کی حوالگی پرشہزاد اکبر کی بریفنگ چاہتے تھے۔
سابق وفاقی وزیر اسد عمراسلام آباد سے گرفتار
اعظم خان کے مطابق القادریونیورسٹی پروجیکٹ میں سابق وزیراعظم کی اہلیہ، ذوالفقار بخاری، شہزاد اکبراوربحریہ ٹائون کے چئرمین شامل تھےالقادریونیورسٹی پروجیکٹ میں ذوالفقاربخاری اورشہزاد اکبرنے بحریہ ٹائون کے ساتھ 458 کنال زمین گفٹ کے معاملات طے کیے-
اعظم خان نے کہا تھا کہ القادریونیورسٹی پروجیکٹ کو ملنے والے عطیات کے بارے انہیں معلوم نہیں،مجھے اس اہم کیس پر تفصیلی جواب کیلیے مزید وقت دیا جائے،اعظم خان کی مزید وقت کی درخواست نیب ٹیم نے منظورکرلی –
آفیشل سیکریٹ، آرمی ایکٹ ترمیمی بل،صدر مملکت نے دستخط کر دیئے
