اوچ شریف باغی ٹی وی (نامہ نگار حبیب خان) موٹر وے ایم فائیو پر حادثہ، لوڈر مزدا کی ٹرالر کو ٹکر کے نتیجے میں دو افراد جاں بحق، ریسکیو 1122 ٹیم نے نعشیں ہسپتال منتقل کر دیں،
تفصیل کے مطابق موٹر وے ایم فائیو پر اوچ شریف انٹر چینج کے قریب کراچی سے لاہور جانے والے لوڈر مزدا ڈرائیور کو نیند آنے کے باعث آگے جانے والے ٹرالر سے ٹکرا گیا جس کے نتیجے میں مزدا کا ڈرائیور اور ہیلپر موقع پر جاں بحق ہوگئے جن کی شناخت 30 سالہ سیف اللہ اور 22 سالہ مجاہد اللہ کے نام سے ہوئی حادثے کی اطلاع ملتے ہی ریسکیو 1122 ٹیم موقع پر پہنچ گئی اور نعشیں نکال کر رورل ہیلتھ سینٹر اوچ شریف منتقل کر دیں
