لاہور: بجلی کے بھاری بھرکم بلوں پر پاکستان بھر میں عوام سراپا احتجاج ہیں، عوام کی جانب سے ناصرف بجلی کے بلوں کو نذر آتش کیا گیا بلکہ حکومت سے ٹیکسز واپس لینے کا مطالبہ بھی کیا گیا جس کا حکومتی اداروں پر تو کوئی اثر نہیں نظر آ رہا تاہم آئندہ مہینوں میں بجلی اور بھی مہنگی کرنے کی تیاری کر لی گئی ہے-
باغی ٹی وی: غربت کے مارے عوام کی جیبوں پر بجلی بلوں کے ذریعے مزید 2 ہزار ارب روپے کا ڈاکا مارنے کی تیاری کرلی گئی ہے بجلی کی قیمتوں میں مسلسل اضافہ ہو رہا ہے اور فیول پرائس ایڈجسٹمنٹ ملا کر عوام کو فی یونٹ بجلی 52 روپے تک پڑنے لگی،کیپیسیٹی چارجزکےنام سےمارے جانےوالا یہ ڈاکا اُس بجلی کی مد میں ہے جو بنائی تو گئی لیکن عوام نے استعمال نہیں کی بجلی بنانے والی کمپنیوں کے ناقص نظام اورحکومتی اداروں کی نا اہلی کے باعث عوام ناکردہ گناہوں کا بوجھ اٹھانے پر مجبور ہیں۔
گوجرہ :بجلی کے بلوں میں بے تحاشا اضافہ کے خلاف شہری سراپا احتجاج …
واضح رہے کہ پہلے ہی اگست کے بجلی بلوں میں صارفین پر 15روپے فی یونٹ تک کا اضافی بوجھ ڈالا گیا، یکم جولائی کوبجلی کی قیمت فی یونٹ ساڑھے 7 روپے تک بڑھائی گئی لیکن اس کی مکمل وصولی نہ ہوئی، پھراگست میں صارفین سے 2 ماہ کی یکمشت وصولی کرلی گئی ایک روپے 81 پیسے فی یونٹ کی فیول پرائس ایڈجسٹمنٹ بھی وصو ل کی جارہی ہے، بجلی پرعائد ٹیکس الگ وصول کئے جا رہے ہیں ، مجموعی طور پر ایک سال میں بجلی صارفین پر ڈیڑھ ہزار ارب روپے کابوجھ منتقل کر دیا گیا۔
