اوچ شریف باغی ٹی وی ( نامہ نگار حبیب خان) پاکستان پیپلزپارٹی کے ڈویثرنل جنرل سیکرٹری و سابق وفاقی پارلیمانی سیکرٹری مخدوم سید علی حسن گیلانی نے کہا میرے مخالفین جتنے مرضی ہتھکنڈے استعمال کرلیں انہیں ہر پلیٹ فارم پر شکست دوں گا، میر ی بی اے کی ڈ گری کو بنیاد بنا کر مجھے سیاسی میدان سے آؤٹ کرنے کے خواب دیکھنے والوں کے ہاتھ کچھ نہیں آئے گا
پریس کلب میں صحافیوں سے گفتگو کرتے ہوئے انہوں نے کہا ملک میں موجودہ مہنگائی کی ذمہ دار مسلم لیگ ( ن ) ہے، پاکستان کی معیشت کو تباہ کرنے اور پاکستان میں مہنگائی کے طوفان کو برپا کرنے میں سابق وزیراعظم میاں محمد شہباز شریف اور وزیر خزانہ اسحاق ڈار کا بڑا ہاتھ ہے دونوں پاکستان کی عوام کو مہنگائی کا تحفہ دینے کے بعد لندن میں جا بیٹھے ہیں
جنوبی پنجاب کی پسماندگی میں سب سے زیادہ کردار سابق وزیراعظم شہباز شریف کاہے چیئرمین پیپلزپارٹی بلا ول بھٹو زرداری سب سے پہلے جنوبی پنجاب سے اپنے دوروں کا آغاز کررہے ہیں چیف آف دی آرمی سٹاف جنرل حافظ سید عاصم منیر ملکی معیشت کی بحالی اور ملکی مسائل حل کرنے کی جو کاوشیں کررہے ہیں ہم انہیں قدر کی نگاہ سے دیکھتے ہیں
عام انتخابا ت مقرر مدت میں ہونے چاہیں آنے والے الیکشن میں مسلم لیگ ( ن ) سمیت تمام سیاسی پارٹیوں کو بہاول پور ڈویثرن میں تاریخی شکست کا سامنا کر نا پڑے گا۔
اس مو قع پر سابق سٹی ناظم سید حسنین عسکری، سابق ناظم ملک راشد نائچ ، ملک سنی کریم کے علاوہ سابقہ کونسلر محمد حنیف قریشی ،محمد حذیفہ قریشی ،محمد اکبر انصاری ایڈوکیٹ ہائی کورٹ ،محمد ناصر خان نیازی ،شیخ عزیز الرحمن ،بشیر احمد مغل ،محمد اصف بخاری، جاوید مغل خادم حسین سومرو، عمران اکبر خان وغیرہ بھی موجود تھے۔
