واشنگٹن: چین کے صدر کے معتمد خاص اور وزیر خارجہ چن گینگ کی چند ماہ قبل عہدے سے برطرفی کی حیران کن وجوہات سامنے آئی ہیں –
باغی ٹی وی: امریکی خبررساں ادارے وال اسٹریٹ جرنل نے اپنی ایک رپورٹ میں دعویٰ کیا ہے کہ چین میں حکمراں جماعت کی تنظیمی انکوائری میں سابق وزیر خارجہ 56 سالہ چن گینگ پر امریکا میں 40 سالہ صحافی خاتون کیساتھ غیر ازدواجی تعلقات کا انکشاف ہوا تھا، چین کے سابق وزیر خارجہ ریاستی کونسل کے پانچ اراکین میں شامل تھے جنہیں “غیر معمولی” وزیر سمجھا جاتا تھا اور وہ چینی صدر کے نہایت قریب بھی تھے۔
وال اسٹریٹ جرنل نےیہ دعویٰ بھی کیاکہ انھیں دوافراد نےنام نہ ظاہر کرنےکی شرط پربتایاکہ سابق وزیرخارجہ چن گینگ امریکا میں ایک غیر ازدواجی تعلقات میں ملوث تھے اور اس تعلق سے ان کا ایک بچہ بھی ہےسابق چینی وزیر خارجہ کی امریکا میں گرل فرینڈ اور ان کے بچے کے بارے میں کوئی معلومات نہیں دی گئی تاہم ذرائع نے تصدیق کی کہ تحقیقات جاری ہیں کہ یہ عمل قومی سلامتی کو خطرے میں ڈال سکتا ہے۔
اقوام متحدہ کی جنرل اسمبلی کا 78 واں اجلاس آج سے شروع ہو گا
وال اسٹریٹ جرنل کے مطابق چین کی حکمراں جماعت کے ایک اہم اجلاس میں وزرا اور رہنماؤں کو وزیر خارجہ کی برطرفی سے متعلق بریفنگ میں بتایا گیا کہ وہ طرز ندگی کے مسائل کا شکار تھے،(طرز ندگی کے مسائل حکمراں جماعت میں استعمال ہونے والی ایک اصطلاح ہے جس کا مطلب جنسی بدسلوکی ہے)-
جبکہ دوسری جانب مقامی میڈیا میں یہ خبریں بھی زیر گردش ہیں کہ چین کے سابق وزیر خارجہ چن گینگ کیمبرج سے تعلیم یافتہ صحافی کے عشق میں مبتلا ہوگئے تھے جو مبینہ طور پر امریکا کی ڈبل ایجنٹ تھیں اور خاتون کا تائیوان اور ہانگ کانگ سے بھی تعلق تھا۔
جوابی کارروائی، بھارت کا کینیڈا کے سینئر سفارتکار کو ملک چھوڑنے کا حکم
واضح رہے کہ چین کے سابق وزیر خارجہ کے معاشقے کا آغاز اس وقت ہوا جب وہ امریکا میں چین کے سفیر کے طور پر فرائض انجام دے رہے تھے گینگ جولائی 2021 سے جنوری 2023 تک امریکا میں تعینات رہے اس کے بعد وزیر خارجہ بنائے گئے تھے لیکن 7 ماہ بعد ہی پُراسرار طور پر انھیں عہدے سے سبکدوش کردیا گیا تھا جس کی نہ تو وجہ بتائی گئی اور نہ ہی وہ خود منظرعام پر آئے۔
چین کی وزارت خارجہ نے اپنے وزیر کی ایک ماہ سے زیادہ عرصے تک عدم دستیابی کی وجہ ان کی گرتی ہوئی صحت کو قرار دیا تھا تاہم بعد ان کی برطرفی کی تصدیق کی تھی-