ننکانہ:مانگٹانوالا پولیس نے پنڈ موڑ کھنڈا میں ناجائز قبضہ کی کوشش ناکام بنا دی

ننکانہ صاحب،باغی ٹی وی ( نامہ نگار احسان اللہ ایاز)تھانہ مانگٹانوالا پولیس نے پنڈ موڑ کھنڈا میں ناجائز قبضہ کی کوشش ناکام بنا دی 10 افراد کے خلاف دہشت گردی سمیت دیگر سنگین دفعات کے تحت مقدمہ درج
تفصیل کے مطابق ننکانہ صاحب کے نواحی قصبہ موڑکھنڈا میں با اثر قبضہ گروپ کے خلاف دہشت گردی سمیت سنگین دفعات اندراج مقدمہ۔ درج مقدمہ میں بشارت حفیظ، نوید حفیظ، شاہد حفیظ، مہر افتخار، مہر منور، خادم حسین وغیرہ نامزد جبکہ 10 نامعلوم بھی شامل ہیں۔

ملزمان کرین کے ذریعے قبضہ کی نیت سے محمد افضل مغل کی لاہور جڑانوالہ روڈ پر واقع 4 دوکانیں مسمار کر رہے تھے۔ با اثر قبضہ گروپ نے محمد افضل کو سنگین نتائج کی دھمکیاں دیتے ہوئے ہوائی فائرنگ بھی کی۔

15 پر کال موصول ہونے پر پولیس موقع پر پہنچ گئی، ملزمان موقع سے فرار ہونے میں کامیاب ہو گئے۔ جب کہ پولیس نے ملزمان کی کرین اور دو گاڑیاں قبضہ میں لے لیں، ملزمان کی گرفتاری کے لیے چھاپے مارے جارہے ہیں۔

ڈی پی او صاعد عزیز نے ایس ایچ او تھانہ مانگٹانوالا کو بروقت کارروائی پر شاباش دیتے ہوئے کہا کہ ملزمان کو جلد گرفتار کر کے قانون کے مطابق کیفر کردار تک پہنچایا جائیگا۔ غریب اور پست عوام کی املاک پر قبضہ کرنے والے کسی رعایت کے مستحق نہیں ہیں