سیالکوٹ :ڈکیتی ،راہزانی کی 69 وارداتوں میں ملوث ڈکیت گینگ سرغنہ سمیت گرفتار

سیالکوٹ ،باغی ٹی وی (سٹی رپورٹرشاہدریاض)تھانہ رنگپورہ پولیس نے ڈکیتی اور راہزانی کی 69 وارداتوں میں ملوث سفیاناں ڈکیت گینگ کے سرغنہ سمیت 4 ارکان کو گرفتار کر لیا، 75لاکھ روپے سے زائد مالیتی مال مسروقہ، 15تولے طلائی زیورات نقدی11لاکھ 9ہزار روپے، 20موٹر سائیکلیں، 18سمارٹ موبائل فونز اور اسلحہ ناجائز برآمد۔
تفصیلات کے مطابق ڈی پی او سیالکوٹ محمد حسن اقبال کی ہدایت پر سیالکوٹ پولیس نے جرائم پیشہ عناصر کے خلاف کریک ڈاؤن جاری کر رکھا ہے اس سلسلہ میں ایس ایچ او تھانہ رنگپورہ سب انسپکٹر قیصر بشیر نے ٹیم کے ہمراہ کاروائی عمل میں لاتے ہوئے ڈکیتی، راہزانی اور موٹر سائیکل چوری کی 69 سے زائد وارداتوں میں ملوث محمد سفیان عرف سفیاناں گینگ کے سرغنہ سمیت 4 افراد کو گرفتار کر لیا ہے۔

گرفتار ملزمان کی شناخت. 1. محمد سفیان عرف سفیاناں ولد رزاق سکنہ شکر گڑھ، نارووال،2.سعید بہر ولد برات خان سکنہ احمد نگر بونگا،3. شہباز ولد محمد اکرم سکنہ دارہ آرائیاں،4. راشد علی ولد محمد حسین سکنہ جودھے والی

دوران تفتیش ملزمان کے قبضہ سے 75لاکھ روپے سے زائد مالیتی مال مسروقہ نقدی11لاکھ 9ہزار روپے، 20موٹر سائیکلیں، طلائی زیورات 15 تولے، 18سمارٹ موبائل فونز اور وارداتوں میں استعمال ہونے والا اسلحہ پسٹل 2 عدد معہ متعدد گولیاں برآمد ہوئی ہیں۔گرفتار ملزمان سے مزید تفتیش جاری ہے. جن سے مزید برآمدگی عمل میں لائی جائے گی۔

ڈی پی او سیالکوٹ محمد حسن اقبال نے پولیس ٹیم میں شامل افسران و ملازمان کو محمد سفیان عرف سفیاناں ڈکیت گینگ کو گرفتار کرنے پر تعریفی سرٹفیکیٹ اور نقد انعام دینے کا اعلان کیا ہے